CHƯƠNG TRÌNH THỜ PHƯỢNG DÀNH CHO BAN NAM GIỚI. CHÚA NHẬT 09.02.2025

By Mai hdenayun in H'MÔNG on 10 Tháng Hai, 2025

Hnub kaj 09.02.2025

1. Ntsiab lus: TXOG LUB HNUB NYOOS.
2. Vajluskub: Tejl 11:9; 12:1,6-7,13; Nkauj 91:16; 92:13-14.
3. Nqe cim: “Thov koj qhia kom peb paub hais tias peb txojsia luv kawg, peb thiaj yuav xeev los ua neeg ntse” (Nkauj 90:11).
4. Twv Vajluskub: Exekhees 22-24.
5. Tus qauv: Kev ua si loj.

* TAW QHIA: Kev ua si loj.

– Ntsiab lus: TXOG LUB HNUB NYOOS.

– Chaw: Tshav puam tsev pehawm.

– Sijhawm: 1h30’.

1. NPAJ.

Yuav tsawg tshaj yog ob tus los sau cov nqe Vajluskub twv thiab tso ntawv zais, tso feeb, soj ntsuam taw qhia thaum cheem tsum. Npaj tej ntsiab lus rau txhua lub qhov rooj rau cov pawg sib tham, npaj cwjmem, ntawv sau rau cov pawg uas muaj kev cheem tsum. Tom qab txais ntawv zais, pawg yauv los ua ke txhais tsab ntawv, tshaj rau cov coj thiab nrhiav mus rau lub qhov rooj 1. Tom qab ua tiav tej uas coj ua kom ua, pawg ua raws taw qhia ntawm tsab ntawv zais ob nrhiav mus rau lub qhov rooj tsuas ntxiv…

– Ntawv zais: Ua ntej ntau lub limtiam, coj cov kawm tshawb dua cov tsiaj ntawv no thiab kawm ntxiv cov tshiab.

     Ôn chữ.                                                         Các dấu.

     Â = AA                     Ê = EE                         – Sắc = S

     Ă = AW                    Ư = UW = W               – Huyền = F           Ô = OO           Đ = DD           – Hỏi = R

     Ơ = OW                   ƯƠ = UOW                 – Ngã = X

                                                                            – Nặng = J

– Ntawv zais: Yuav tsum tau sau thiab zais zoo, tshuaj zoo kom txhob muaj qhov yuam kev. ntsiab lus ntawv zais yog ib lo lus sam hwm lossis taw qhia txog ib tus neeg, thawj chaw… uas cov kawm paub zoo, yuav tsum luv thiab txaus ntsiab lus. Ntawv zais yuav tsum tau muab zais rau ntawm txhua lub qhov rooj uas twb npaj tseg lossis siv tibneeg los sawv tuav.

– Chaw: Sau cim taw qhia kev.

– Khoom siv: Vajluskub, ntawv sau, cwjmem, cov tsiaj ntawv uas twb kawm.

– Vajluskub: Tshaj tawm rau cov kawm kawm nco nqe cim lub limtiam no thiab nyeem ua ntej 1Kaul 9:24-27 ; Henplais 12.

1. NQEG TES UA.
2. Txojlw sib tw ua si thiab tswvyim tso feeb.
3. Txojlw sib tw.

– Txhua tus uas yuav tsum tau los ua txhij txhua.

– Thaum los txog ntawm lub qhov rooj, yuav tsum sawv haj kom zoo, piav qhia cov ntsiab lus ntawm thawj lub qhov rooj.

– Ua txhua yam uas yuav tsum tau ua ntawm txhua lub qhov rooj.

1. Tswvyim tso feeb.

– Kev kub siab (muaj txhij txhua tus hauv pawg) 10 điểm.

– Txhais ntawv zais yog huv si……………………. 10 điểm.

– Ua tau txhua yam ntawm lub qhov rooj……. 10 điểm.

– Mus txog ntawm qhov rooj ntxov dua huv si 10 điểm.

– Ntsiab lus sib tham ua tau zoo…………………. 10 điểm.

2. Mus rau kev ua si.
3. Qheb thawj.

Cov coj faib cov kawm ua ntau pab, ib pab 8-10 tus, sawv ua tsheej haj ntev, xaiv thawjcoj pawg thiab tus sau ntawv. Thaum cov pawg twb nyob ntsiag to lawm, tus coj komtswj tshaj tawm lub ntsiab lus: “Txog lub hnub nyoos”.

Cov phoojywg! Hauv kev ua neej muaj ob yam uas tibneeg pheej txhawj ntshai tiamsis txhua tus yuav tsum tau raug huv si, ntawd yog txojkev laus thiab kev tuag. Tseeb tiag, ntxiv ntau lub hnub nyoog yog yam uas yeej yuav tsum muaj hauv lub neej. Tiamsis hauv txhua qeb ntawm lub nub nyoos puav leej muaj nqis thiab muaj qab hau yog paub cia yus rau Vajtswv siv. Caw nej los koom kev ua si hnub no, kom ntsia pom txog lub zeem muag ntawm cov tsis tau ntseeg Vajtswv thiab cov ntseeg Vajtswv txog lub hnub nyoos.

1. Pib.

Txhua pawg los sawv rau ntawm chaw pib. Cov coj ua tshaj tawm txog kevcai ua si thiab ib pab xaiv ib tus los kom “Dhia dhau khoom tav kev”.

(“Khoom tav kev” ib cov lus nug uas cov coj ua sau xws li: Vim li cas tibneeg ntshai laus thiab tuag? Lub tswvyim twg pab tau kom neeg dim txojkev ntshai no?)

Sawv cev pawg dhia dhau “khoom tav kev” mam tau txais ntawv zais.

* Ntawv zais 1: VAIHRN MOP VOHQ MWATN SAU BAUM VUK IST VAX SAIT SIAH.

Ñ: Qav plhawv.

Qhov rooj 1.

Hais ua:

– Pawg sawv ua ib haj, tshaj tawm cov neeg hauv pawg.

– Faib lus nug sib tham thiab pawg teb lus nug.

1. Raws lub sijhawm, tibneeg muaj hnub nyoos li cas? Vim li cas? (Chivkeeb 5:27; 6:3; Ntawv Nkauj 91:10).
2. Tus cev lus Xamuyees, Yelimis tau Vajtswv hu los ua haujlwm thaum muaj hnub nyoos li cas? (1Xam 3:1; Yel 1:6).
3. Lub hnub nyoos twg Daviv, Daniyees tau Vajtswv hu los ua Nws haujlwm? (1Xamuyes 16:11-13,18-23; 2Xamuyees 5:3-4; Daniyees 1:8-17; 2:45).
4. Kwv lam li tsawg xyoo, Vajtswv thiaj siv cov Levis los ua haujlwm hauv tuam tsev? (Teev npe 4:2-3).
5. Lub hnub nyoos laus muaj nuj nqis li cas? Thiab tau Vajtswv siv rau hauv tes haujlwm twg? (Kevcai 32:7; 21:20-21; Yak 5:14-15; 1Petus 5:1-2).
6. Tibneeg raws li lub xyoo tau muab piav qhia li cas? Muaj yam ntxwv li cas? (Tej lus qhia 12:3-5).
7. Sib txig nrog lub hnub nyoos, Vajtswv muaj lus cog tseg li cas rau Nws cov menyuam? Cov lus cog tseg muaj lub ntsiab li cas? (Nkauj 103:5; 92:13-14; Yax 40:31; 46:4).
8. Lub hnub nyoos thiab lub cev laus mus zuj zus, tiamsis nrog rau tus ntseeg, tus neeg sab hauv zoo li cas? (2Kaul 4:16; 1Yauhas 2:14-16).

* Ntawv zais 2:

 

 

NRHIAV TSWV UAS TSAUS HAUV HNUB NYOOG LUB SIAB TAU YIM LUB

Ñ: Nab noj tw.

Qhov rooj 2.

Hais ua: 

– Pawg sawv ua ib haj, tshaj tawm cov neeg hauv pawg.

– Faib lus nug sib tham thiab teb cov lus nug.

1. Vajluskub muaj lus qhuab ntuag li cas rau tus hluas? (Paj lus 3:5-6; Tej lus qhia 11:9-10; 12:1-13; Yausuas 1:8).
2. Txhua hnub ntawm peb yuav tau siv li cas? (Nkauj 90:12; Efex 5:15-19).
3. Hauv lub hnub nyoos so haujlwm lawm, Xamuyees ua dabtsis? (1Xamuyees 12:23-24).
4. Tus neeg laus lawm yuav tsum tau paub yam dabtsis? Thiab muaj tus coojpwm li cas? (Khiav dim 20:12; Nkauj 91:16).

Ñ: yaum sij

Qhov rooj 3.

Hais ua: 

– Pawg sawv ua ib haj, tshaj tawm cov neeg hauv pawg.

– Faib lus nug sib tham thiab teb.

1. Vajtswv qhia kom peb yuav tsum tau muaj tus coojpwm li cas rau cov neeg laus? (Levis Kevcai 19:32; 1Petus 5:5).
2. Tus neeg laus yuav tsum muaj coojpwm li cas rau cov hluas? (1Timautes 4:12-13).
3. Paulus qhia Timautes yam dabtsis? (1Timautes 5:1-2).
4. Hauv Pawg Ntseeg peb yuav taum sib hwm li cas?
5. Xaus.

Cov phoojywg!

Cov neeg tsis ntseeg Vajtswv ntsia lub hnub nyoos yog ib txojkev twg, tiamsis cov ntseeg Vajtswv ntsia lub hnub nyoos yog ib txojkev kaj siab. Vim tus ntseeg Yexus paub tias txawm yog lub cev ntaj tsug laus zuj zus los tus neeg sab hauv yim hluas tshiab khiv tuaj.

Thov kom peb zeem paub tej no kom paub txaus siab rau cov ntu sijhawm hauv lub neej thiab pab cov neeg uas ntsia pom txojkev twg.

– Thov Tswv raws li kev cob qhia.

– Tshaj tawm paj ntsig (feeb) thiab faib khoomplig.

* NTAUB NTAWV PAB PWV.

Tibneeg lub neej yeej sib txog nrog lub hnub nyoos. Thaum uas yug tawm plaws los ces twb pib suav xyoo lawm, thiab thaum lub neej xaus kuj tau muab suav nrog lub xyoo. Txawm yog lub xyoo ua neej nyob hauv ntiajteb ntau lossis tsawg los puav leej muaj nqis, thiab muaj qab hau raws li Vajtswv twb teem tseg.

Txawm yog tibneeg txawj ntse thiab rub tau txojsia nyob ntev mentsis los tibneeg lub neej yeej tseem yog luv heev. Tibneeg lub hnub nyoos luv zuj zus vim kev txhaum huam vam zuj zus raws li Vajluskub qhia tshwm (Chk 5:27, 6:3; Nkauj 90:10).

Tus ntseeg Yexus muaj lub zeem muag li cas txog lub hnub nyoos? Thiab muaj tus coojpw li cas rau txhua ntu hnub nyoos, kom lub neej muaj kev kaj siab thiab muaj qab hau tiag tiag?

Tibneeg lub neej dhau mus sai tau Daviv muab sau qhia ib yam li tej nroj tsuag. Tibneeg lub neej tau muab faib ua tsib ntu hnub nyoos: Menyuam yau, menyuam hluas, hluas, laus thiab laus heev, lossis raws li Vajtswv xam tseg ces muaj peb hom hnub nyoos: Menyuam hluas, cov hluas thiab cov laus (1Yauhas 2:12-14). Ib yam li tej nroj tsuag, loj hlob, tawg paj thiab ntsws mus, tibneeg lub neej kuj dhia dhau lub neej menyuam, lub neej hluas thiab lub neej laus, thaum kawg yog txojkev tuag. Vim li ntawd tibneeg ntshai lub hnub nyoos, ntshai txojkev laus, ntshai zej tsoom tsis yuav vim ua tsis tau haujlwm lawm, raug luag nov qab! Tiamsis Vajtswv muaj lub zeem muag ntsia li cas txog tibneeg lub hnub nyoos?

1. Tus nqi ntawm lub hnub nyoos.

Raws li Vajluskub sau tseg cia pom txhua ntu lub hnub nyoos puav leej muaj nqis rau Vajtswv. Nws tau hu Xamuyees thiab Yelimis lus ua cev lus thaum tseem yog menyuam yau (1Xamuyees 3:1; Yelimis 1:6). Nws kuj siv cov hluas los ua tej haujlwm loj rau Nws lub koob meej xws li Daviv, Daniyees thiab cov Levis (1Xamuyees 16:11-13,18-23; 2Xamuyees 5:3-4; Daniyees 1:8-17; 2:4; Teev Npe 4:2). Kuj ib yam li Nws siv cov neeg laus los ua cov txiav txim rau cov pejxeem tiam phau Qub thiab saib xyuas Vajtswv Pawg ntseeg niaj hnub no (Kevcai 21:20-21; Yak 5:14-15; 1Petus 5:1-2). Mauxes uas yog cov Yixalayees tus thawjcoj tshaj lij tau Vajtswv siv thaum yawg muaj 80-120 xyoo.

Ntu menyuam tau Tswv Yexus qhuas txog lub siab mog muas (Mathais 18:3-4). Lub neej hluas ntu sijhawm nyob siab tshaj hauv neeg lub neej lub zog tau muab piv ib yam li “tus dav” thiab muaj peev xwm nthuav lus, yog lub hnub nyoos kub siab lus thiab muaj cuab kav ua tau haujlwm loj. Lub neej yav laus yog ntu uas txhab paub txhua thiab thoob tsib to nrog muaj cuab kav qhia tau txhua yam kev ua neej (Kevcai 32:7). Yog li ntawd, txhua ntu hnub nyoos puav leej muaj nqis yog tias paub muab tso rau Vajtswv siv.

Yawg W.A.Criswell uas yog Pawg Ntseeg Báp-tít yav Qab teb ib tus thawjcoj, ntseeg Vajtswv thaum 10 xyoo thiab dhau ua xibhwb thaum 17 xyoo. Yawg tau qhia thawj zaj lus qhuab qhia hauv tuam tsev Dallas, Texas rau xyoo 1944. Txij ntawd los Pawg ntseeg loj hlob yam txawv kawg, txij 7.800 nci mus ua 20.500. kuj ib yam li John Wesley yeej tseem mus qhia Moo Zoo thiab sau ntawv thaum muaj 88 xyoo.

2. Vajtswv cog lus tseg yuav ntxiv dag zog.

Ib phab hauv Vajluskub, kuj cia peb ntsia pom tibneeg cev nqaij yeej qhuav ntsws raws lub sijhawm ib yam li tus neeg txawj ntse Xalumoos hais tiag:

“Ces thaum ntawd, nej ob txhais cajnpab uas tiv thaiv nej yuav tsis muaj zog, thiab nej ob txais ceg uas nimno muaj zog heev los yuav tsaug leeg. Nej cov hniav los tsuas tshuav qee tus zom mov lawm xwb, thiab nej ob lub qhovmuag los yuav plooj pom kev tsis tseeb lawm.Nej qhovntsej yuav tsis hnov tej suab nrov ntawm tej kev; nej yuav tsis hnov luag tej suab zom zeb lossis tej suab raj thiab suab nkauj nogncas lawm, tiamsis tej noog lub suab quaj yuav tsa nej sawv. Nej yuav ntshai tej chaw siab thiab tsis tau luag taug kev. Nej cov plaubhau yuav dawb tas; nej yuav hwj tsis tau nej lub cev thiab tsis ntshaw ib yam dabtsi li lawm. Rau qhov sawvdaws yuav mus rau ntawm lub chaw kawg thiab yuav muaj kev quaj ntsuag nyob txhua txojkev” (Tej lus qhia 12:3-5 – Phau txhais xyoo 2000).

Yog li ntawd, nrog rau Vajtswv tej lus cog tseg, hauv lub neej ntawm txojkev laus, tus ntseeg Yexus yeej tau txais lub zog tshiab tsis tseg los ntawm Vajtswv, ua rau peb sab ntsujplig haj yam tshiab khiv tuaj, thiab txi Vaj Ntsujplig cov txiv ntau, muaj tus duab ci zoo nkauj hauv ntuj ceeb tsheej (2Kaul 4:16; 1Yauhas 2:14-16). Vim li ntawd, lub neej laus ntawm tus ntseeg Yexus tsis yog lub hnub nyoos uas yuav qhuav mus, tiamsis yog lub hnub nyoos uas puv ntoob thiab npluamiag. Txawm yog sab nraum plaubhau yuav dawb thiab muaj ntxhiab los nws dawb zoo nkauj, yog lub meej mom “tóc bạc là mão triều thiên vinh hiển, miễn là thấy ở trong đường công bình” (Paj lus 16:31,Nkauj 103:5; 92:14; Yaxayas 40:31; 46:3b,4).

Muab hais los ces nrog rau cov tsis ntseeg Vajtswv, lub hnub nyoos yog ib txojkev kawg, tag kev cia siab rau nruab a! tiamsis lub hnub nyoos nrog rau cov ntseeg Vajtswv yog qhov kev ntsia pom muaj kev cia siab. Cov tsis ntseeg tag kev cia siab vim ntsia pom neeg lub cev laus zuj zus raws lub caij nyoos. Tiamsis cov ntseeg muaj chaw cia siab vim ntsia txojkev muaj nqis ntawm txhua ntu sijhawm hauv Vajtswv lub homphiaj, thiab yuav dhau mus txais txojsia tshiab ntev dhawv mus ib txhis. Yog li ntawd, peb tsis kawg kev nrog rau lub hnub nyoos, ib yam Bosch tau hais tias: “Nrog rau tus ntseeg Yexus, lub neej laus yog lub neej qheb kev rau lub neej uas hluas uas tsis paub kawg”.

LUS NUG XAV THIAB SIV.

 Thov cia paub:

– Koj puas tsaus siab rau txhua ntu hnub nyoos hauv lub neej?

– Koj tabtom siv txhua hnub uas Vajtswv pub zoo li cas?

– Koj muaj tus cooj pwm li cas nrog rau tus uas tsis koom hnub nyoos nrog koj?