CHƯƠNG TRÌNH THỜ PHƯỢNG DÀNH CHO BAN THANH NIÊN. CHÚA NHẬT 02.02.2025
in H'MÔNG on 10 Tháng Hai, 2025
Hnub kaj 02.02.2025 (Tết Âm lịch)
- Ntsiab lus: KEV XAV TAU RAU XYOO TSHIAB
- Vajluskub: Ntawv Nkauj 37:4; 145:19.
- Nqe cim: “Koj pub rau nws raws li nws lub siab xav tseg, thiab koj tau teb nws tej lus thov” (Ntawv Nkauj 21:2).
- Twv Vajluskub: Twv raws ntsiab lus.
- Tus qauv: Cog phoojywg.
* TAW QHIA: Cog phoojywg.
- Koom: Caw ib pab lossis ntau pab hluas ntawm lwm lub Pawg Ntseeg tuaj koom kev cog phoojywg.
- Kom tswj: Ntau athiv ua ntej hnub cog phoojywg, caw sawv cev ntawm txhua pab los sab laj ua ke sau tsab kom tswj thiab faib haujlwm:
– Sijhawj, chaw nyob, ntsiab lus, nqe cim, qauv nqeg tes ua…
– Faib haujlwm rau txhua pab: Xyaum nkauj, timkhawv, twv Vajluskub, khoomphig, ua si, coj kom tswj, npaj zaub mov noj…
- Txhua qeb: Cov txhua qeb yuav tau muaj hauv lub rooj cog phoojywg yog: Zaj nkauj tshiab, hu nkauj, ua tsaug, twv lom zem, twv Vajluskub, yeeb yam kev ua si loj…
- Daim txiag sau npe: Ntsuaglag cov neeg tuaj koom thiab cov neeg rau txhua pawg kom npaj ntau yam ntawv xim, ib pawg ib yam xim sib txawv kom yooj yim faib pawg. Daim txiag sau npe yuav tsum sau meej npe & xeem, Pawg ntseeg kom yooj yim sib zeem. Tom qab ntawd ib pawg twg xaiv ib tus thawjcoj, ib tus tuav ntawv los coj pawg ua txhua yam.
- Khoomplig: Khoomplig rau lub rooj cog phooj ywg yuav tsum siv kom phim rau thaum xaus kevcai.
* NTAUB NTAWV PAB.
LUS THOV TSWV RAU XYOO TSHIAB
Txiv uas yog peb tus Vajtswv Ntuj, thaum sawv tabmeeg rau lub xyoo tshiab, peb cheem tsum koj heev, thov koj nrog nraim thiab coj peb txoj haukev.
Peb txhua tus puav leej muaj ib txojkev cia siab thiab kev xav tau rau lub xyoo tshiab, tiamsis tsuas muaj koj tibleeg thiaj paub yam uas cheem tsum rau peb, thiab tsuas muaj koj tibleeg xwb thiaj yog tus uas pub tau lub zog, kev txawj ntse rau peb tawm tsam tej kev sim siab rau lub xyoo tshiab no. Vim li ntawd, thov pab kom peb txawj txo hwjchim muab peb txhais tes tso rau hauv koj txhais tes thiab vam khom koj, nrhiav koj tus dej siab rau peb lub neej hauv lub xyoo tshiab no.
Hauv lub neej uas nyob tsis thaj yeeb, thov cia peb cog ruaj txojkev ntseeg rau koj txojkev hlub uas tsis paub hloov.
Thaum peb raug teebmeem thiab tag kev cia siab, thov pab kom peb txawj tig los cuag koj, kom peb tau txais koj txojkev nplig siab thiab thaj yeeb uas peb cheem tsum.
Thaum raug tej kev ntxeev ntxiag thiab xav mus raws li peb siab, thov Koj pab kom peb txhob yuam kev tiamsis muaj lub siab tawv ua yam uas yog, haum koj siab txawm yuav them tus nqi twg.
Hauv txojkev khwv thiab tej kev cheem tsum hauv lub neej, thov qheb peb lub qhov muag kom peb ntsia pom tej kev txomnyem quaj ntsuag thiab kev tsis ncaj ncees hauv lub ntiajteb no thiab pab kom peb qheb siab hlub tshua, fij tau tus kheej pab tej neeg txomnyem thiab pab tus uas cheem tsum kev pab. Thov cia peb muaj cuab kav taij thov ib yam li tus sau Phau Ntawv Nkauj li no: “Tus Tswv, thov qhia koj tej kevcai lub ntsiab rau kuv, kuv yuav niaj hnub ua raws li tej kevcai ntawd (mus tag kuv sim neej” (Nkauj 119:33).
Peb thov koj pab peb lub tebchaws thiab tej nom tswv rau ncua sijhawm uas txomnyem no, thiab rau txhua tus uas tabtom nrhiav txojkev thaj yeeb, ncaj ncees rau lub ntiajteb no. Tus Tswv, tshwj xeeb peb thov koj tsom kwm ib tsoom tubrog uas tabtom povhwm lub tebchaws thiab peb txojkev thaj yeeb. Thov koj nrog nraim lawv tsev neeg, pab kom lawv paub cia siab ntsoov rau koj txojkev hlub kev tsom kwm.
Thov pab kom peb haiv neeg txawj sib hlub thiab thiab pub rau peb muaj ib lub zeem muag loj txog tej uas koj xav kom peb ua. Koj txoj lus ntuag peb tias: “Haivneeg uas muaj Vajtswv ua lawv tus Tswv muaj kev kaj siab…” (Nkauj 33:12)
Thaum rov tig ntsia lub xyoo dhau los, peb ua koj tsaug rau tej koobhmoov zoo uas koj pub rau peb txawm yog peb twb tsis tsimnyog tau txais. Thov pab kom peb tsis txhob nov qab txog tej koobhmoov dhau los thiab nco ntsoov koj txojkev mov tshua, tiamsis pab kom peb paub lees kev txhaum thiab rov muaj kev cog lus tshiab nrog koj tias peb yuav cia koj ua peb lub chaw tiag taw hauv lub neej. Yog li ntawd tus Tswv e, peb ua koj tsaug rau tej lus cog tseg thiab txojkev cia siab rau lub xyoo tshiab no. Peb tig mus rau lub neej tom ntej nrog rau txojkev cia siab thiab kev ntseeg hauv koj. Meyau taij thov tej no los ntawm peb tus Tswv thiab Cawm Seej Yexus lub npe, tus uas pub rau peb txojkev cia siab tiam no thiab lwm tiam los ntawm Nws txojkev tuag thiab kev sawv rov los. Amees!
Xibhwb Billy Graham (2008) – Trịnh Phan dịch