Chuyên mục: H’MÔNG

CHƯƠNG TRÌNH THỜ PHƯỢNG DÀNH CHO BAN NAM GIỚI. CHÚA NHẬT 26.01.2025

CHƯƠNG TRÌNH THỜ PHƯỢNG DÀNH CHO BAN NAM GIỚI. CHÚA NHẬT 26.01.2025

in H'MÔNG on 24 Tháng Một, 2025

Hnub kaj 26.01.2025

  1. Ntsiab lus: VAJTSWV HAIS DHAU COV PEJ XEEM.
  2. Vajluskub: Khiav Dim 3:1-14; 4:10-15.
  3. Nqe cim: “Vajtswv nrog Mauxes tham thiab hais rau Mauxes lais tias, “Kuv yog tus, Tswv” (Khiav Dim 6:2).
  4. Twv Vajluskub: Paj Lus 16-20.
  5. Tus qauv: Coj kawm Vajluskub.

* TAW QHIA: Coj kawm Vajluskub.

  1. Caw tus neeg coj kawm Vajluskub.
  2. Tus coj kawm, saib raws li feem Vajluskub thiab feem Ntaub ntawv pab los sau lus nug kawm raws li ib txojlw twg.
  3. Txog sijhawm kawm, tus qhia yuav rho tawm ntau nqe lus nug los pab kom cov kawm ntsia pom tej xwm txheej, txhais thiab pab lawv siv rau hauv lub neej.
  4. Tus qhia tsuas tau siv txojlw nug teb, lossis sib tham.
  5. Thov sau 2-3 feem lus nug, ib feem twg muaj 3 nqe: Xwm txheej, xav thiab siv.

* Lus nug pab pwv:

(1.1) Lus nug xwm txheej: Lub cim twg cia pom Vajtswv tshwm los rau Mauxes? (Khiav Dim 3:2-6).

(1.2) Lus nug xav: Yuav ua li cas koj lees paub tias Vajtswv tabtom hais lus rau koj?

(1.3) Lus nug siv: Koj puas xav kom tau ntsib tus Tswv raws li Mauxes ntsib? Vim li cas?

(2.1) Lus nug xwm txheej: Mauxes tau hais daws yawg zaj li cas thaum tus Tswv txib yawg mus cawm cov Yixayees hauv tebchaws Iziv? (Khiav Dim 3:11-14).

(2.2) Lus nug xav: Raws li koj, Mauxes pom tau li cas thaum Vajtswv cawm cov Yixayees dhau los ntawm yawg?

(2.3) Lus nug siv: Hauv Khiav Dim 4:10-12, koj txais tau zajkawm li cas rau koj lub neej sab ntsujplig?

(3.1) Lus nug xwm txheej: Koj hais luv txog Mauxes txojkev ntseeg ib yam li tau sau qhia hauv Henplais 11:24-29?

(3.2) Lus nug xav: Vajtswv xav siv koj los ua Nws haujlwm, tiamsis koj ho tsis xav mus raws li Nws coj. Vim li cas?

(3.3) Lus nug xav: Koj yuav nqeg tes kho dua tej yam twg hauv koj lub neej kom tau los koom ua Vajtswv haujlwm?

  1. Tus cojkawm xaus. Thov Tswv.

* NTAUB NTAWV PAB.

Vajtswv puas tseem hais lus dhau cov ntseeg rau tiam peb nyob no tiag? Nws puas qhia tshwm thaj chaw uas Nws tabtom ua haujlwm, thaum Nws xav siv peb? Hais! Vajtswv tsis hloov. Nws tseem hais lus rau Nws haiv neeg.

  1. Vajtswv hais lus dhau ntau txoj haukev sib txawv.

“Thaum ub muaj ntau zaus Vajtswv ua li ub li no qhia cov uas cev Vajtswv lus kom lawv qhia rau peb cov yawgkoob paub tej uas Vajtswv hais” (Henplais 1:1). Ib yam muaj tseeb uas peb ntsia pom tshab plaws Vajluskub yog tus Tswv hais lus rau Nws haiv neeg. Hauv tiam Phau Qub, Vajtswv tau hais dhau:

  • Cov timtswv (Chivkeeb 16:1-16).
  • Tej xwm neeg qhov muag ntsia pom (Chivkeeb 15:1-21).
  • Kev ua yos toog (Chivkeeb 28:10-19).
  • Qhov uas siv Ulees thiab Thumees (Khiav Dim 28:30).
  • Tej haujlwm uas muaj tus yam ntxwv li lub cim (Yelemis 18:1-10)
  • Lus ntxhi (1Vajntxwv 19:12).
  • Tej txujci tseem ceeb (Khiav Dim 8:20-25) thiab lwm yam haujlwm ntxiv…

Tej uas Vajtswv tau siv lus cev nws tej lus hauv tiam Phau Qub tseem tsis tau yog yam tseeb ceeb dua ntais. Qhov uas tseem ceeb tshaj yog Nws tau hais. Cov neeg uas nov Nws hais paub tias ntawd YOG Vajtswv lub suab, thiab lawv paub tias Nws tabtom hais dabtsis.

  1. Paub Vajtswv lub suab los ntawm ntiag tus.

Muaj plaub qhov tseem tseem rau txhua zaug uas Vajtswv tau hais lus hauv tiam Phau Qub. Mauxes tsob pos uas cig hluav taws hauv Khiav dim 3:1-22 yog ib qhov pivtxwv.

  1. Vajtswv lub suab hais rau Nws haiv neeg haiv neeg tshwj xeeb heev, muaj ib tsis muaj ob.

Thaum uas Vajtswv hais lus mas yam ntawd pheej yog ib yam uas muaj ib tsis muaj ob nrog rau tus ntawd ntiag tus. Pivtxwv, Mauxes yeej tsis tau pom dua tsob pos uas cig hluav taws ib zaug li. Yawg yeej hais tsis tau tias: “U, ntawm no yog yam uas kuv yeej ib txwm tau pom dua los lawm. Kuv cov yawg koob uas yog Anplaham, Ixaj, Yakhauj puav leej pom ib yam kuv pom thiab”. Yeej tsis tau muaj leejtwg paub dua txog qhov uas Vajtswv hais lus li no. ntawd yog ib yam uas tsis muaj zaum thib ob ib zaug li, vim Vajtswv xav kom peb tau saj Nws, thiab Nws lub suab yuav tsum yog rau peb ntiag tus. Nws xav kom peb ntsia Nws los ntawm txojkev sib raug zoo heev dua li qhov uas ua kom paub tob txog ib txojlw twg. Yog tias niaj hnub no Mauxes tseem muaj sia, tej zaum yawg yuav sau ib phau ntawv muaj lub npe tias “Tsob pos uas cig hluav taws”. Thiab thoob plaws hauv lub tebchaws peb yuav siv zog nrhiav txog lawv tej kev muajxwm txog tsob pos cig hluav taws. Qhov tseem ceeb tsis yog ntawd yog txojlw tus Tswv hais, tiamsis yog zajxwm “Nws yog Tus hais. Qhov ntawd yeej tsis hloov pauv”. Nws yuav hais rau Nws haiv neeg niaj hnub no.

  1. Lawv paub tias ntawd yog Vajtswv.

Vajluskub ua timkhawv tias Mauxes paub meej tias yus ntsib Vajtswv – Tus “CIM CIV MUAJ NYOB – NYOB MUS IB TXHIS” (Khiavdim 3:14). Yawg cia siab, mloog Nws lus, thiab xwm tus Tswv ua raws li tej Nws hais. Mauxes puas yuav hais daws nws zaj rau lwm tus paub tias nws tau nov Vajtswv lub suab? Tsis, txhua yam Mauxes ua yog ua timkhawv qhia txog txojkev sib ntsib ntawm yawg thiab Vajtswv. Tsuas muaj Vajtswv thiab ua tau kom cov pejxeem paub tias tej lus uas Nws hais rau Mauxes yog tawm hauv Vajtswv qhov ncauj los.

  1. Lawv paub tias Vajtswv hais dabtsis.

Thaum Vajtswv hais, tus ntawd paub tias Vajstwv hais dabtsis. Mauxes paub yam Vajtswv kom yawg ua. Yawg paub lub tswvyim uas Vajtswv xav ua dhau yawg. Ntawd yog vim chij vim li cas Mauxes pheej cav ntau ua luaj. Yawg paub meej Vajtswv lub homphiaj tabtom tos yam dabtsis. Qhov yog nrog rau Mauxes; qhov no yog nrog rau Nau-as, Anplaham, Yauxej, Daviv, Daniyees thiab coob leej ntxiv…

  1. Txojkev sib ntsib nrog Vajtswv.

Thaum tus Tswv qhia qhov tseeb rau peb, txawm yuav yog los ntawm txoj haukev twg los ntawd yog txojkev sib ntsib ntawm peb thiab Vajtswv. Vajtswv tibleeg thiaj yog tus uas ua rau peb muaj xwm rau Nws.

Thaum tus Tswv hais lus rau peb los ntawm Vaj Ntsujplig dhau Vajluskub, lus thov Tswv, tej thaj tsam, Pawg Ntseeg, peb yuav paub tau tias ntawd yog Vajtswv thiab paub Nws tabtom hais dabtsis.

Hais luv

Tseem tshuav pes tsawg tsob pos uas tabtom cig hluav taw li Mauxes tau ntsib? Yeej tsis muaj li lawm. Vajtswv tsis xav kom koj dhau los ua ib tus los kws siv ib txojlw. Tus Tswv hlub koj, Nws xav kom koj muaj ib txojkev sib raug zoo nrog Nws, thiab koj tsuas vam khom Nws tibleeg nkaus. Tus Tswv xav kom koj nrhiav Nws txojlus thiab kawm mloog Nws lus, paub Nws tus dej siab. Koj txojkev sib raug zoo nrog Vajtswv yog lub tswvyim zoo uas pab koj mloog tau Vajtswv lub suab.

 

LUS NUG XAV THIAB SIV

  1. Yam dabtsis ua rau Mauxes paub tseeb tias yus twb tau ntsib Vajtswv?
  2. 2. Sau Y (yog) lossis T (tsis yog) rau cov nqe hauv no:

__ a. Tus Tswv hais rau kuv tsuas yog cia kom kuv muaj ib txojkev xav thaum kuv thov Vajtswv, kom kuv tau zoo nyob dhau ib hnub.

__ b. Tus Tswv hais rau kuv thaum Nws muaj homphiaj rau kuv lub neej.

__ c. Thaum tus Tswv hais rau kuv, kuv muaj sijhawmm ntau los txiav txim siab seb kuv yuav ua li cas thiab los ntawm lub tswvyim twg.

__ d. Thaum tus Tswv hais rau kuv, kuv yuav tsum tau teb kiag tamsim los ntawm lub tswvyim kho kuv lub neej kom haum Nws lub homphiaj thiab Nws txojkev.

__ e. Lub sijhawm tus Tswv hais ces ntawd yog tus Tswv lub sijhawm.

  1. Koj puas tau muajxwm rau Vajtswv lub suab hais lus rau koj? Ua cas koj paub meej tias ntawd yog tus Tswv lub suab? Koj teb tus Tswv lub suab hu li cas?

4. Dhau zajkawm no thov cia paub lub tswvyim zoo twg thiaj pab tau peb cov uas ntseeg Yexus mloog tau Vajtswv lub suab?

CHƯƠNG TRÌNH THỜ PHƯỢNG DÀNH CHO BAN THANH NIÊN. CHÚA NHẬT 19.01.2025

CHƯƠNG TRÌNH THỜ PHƯỢNG DÀNH CHO BAN THANH NIÊN. CHÚA NHẬT 19.01.2025

in H'MÔNG on 24 Tháng Một, 2025

Hnub kaj 19.01.2025

  1. Ntsiab lus: PAUB VAJTSWV TUS DEJ SIAB PUAS TAU TXAUS?
  2. Vajluskub: Paj Lus 3:6; Ntawv Nkauj 143:10.
  3. Nqe cim: “Kuv tus Vajtswv, kuv yeej txaus siab ua zoo kom haum koj siab. Kuv yuav khaws koj tej lus qhia rau hauv kuv lub siab mus li” (Ntawv Nkauj 40:8).
  4. Twv Vajluskub: Paj Lus 11-15.
  5. Tus qauv: Daws teeb meem.

* TAW QHIA: Daws teeb meem.

  1. Caw tus neeg daws teebmeem.
  2. Tshaj tawm lub ntsiab lus “Paub Vajtswv Tus dej siab puas tau txaus?” rau cov kawm ua ntej 2 athiv thiab kom lawv sau lus nug.
  3. Muab lus nug rau tus daws teebmeem ua ntej kom nws npaj.
  4. Nyeem ib nqe zuj zus thiab teb. Tom qab ntawd cia cov kawm txhab ntxiv lossis nug ntxiv.
  5. Yog tus daws teebmeem kam kuj cia cov kawm nug tabmeeg.
  6. Cov thawjcoj pawg pab nug yug pawg, sib tham thiab rho tawm tej lus nug, vim muaj qee leej txaj muag tssis kav hais.
  7. Yog tias thaum caw tsis tau ib tus twg los pab daws teebmeem, cov thawjcoj pawg los teb tsis tau tag cov kawm tej lus nug, ces cov thawjcoj pawg yuav tsum coj cov lus nug mus thov neeg pab teb thiab muab cov lus teb sau tibzoo rau hauv ntawv coj rov los teb rau cov kawm.

* NTAUB NTAWV PAB.

Yog ib tus ntseeg Yexus, peb txhua tus puav leej xav txhawb nqa Vajtswv los ntawm qhov uas siv zog ua lub neej haum Vajtswv siab. Txhua hnub, peb ntsib ntau yam kev xaiv, thiab feem ntau peb tej kev xaiv puav leej ruaj heev, vim Vajluskub taw qhia meej rau tus ntseeg lub neej xws li: Txhob ua tubsab tubnyiag, txhob ua plees ua yig…

Tiamsis, nrog rau tej uas Vajluskub tsis hais tabmeeg meej meej ne, yuav ua li cas? Puas tsimnyog kuv muab kuv lub tsev muag? Puas yuav muab tes haujlwm no tso tseg? Puas tsimnyog cia kuv tus menyuam cim civ kawm hauv tsev tsis tag yuav mus hauv tsev kawm ntawv li? Kuv puas yuav los koom ua tes haujlwm txhua sijhawm? Hauv tsab ntawv uas xav rau cov ntseeg Kaulauxais, Paulus thov Tswv rau lawv li no:

“… Peb thov Vajtswv pab kom nej muaj tswvyim thiab totaub tej uas Vaj Ntsujplig tus Dawbhuv qhia, nej thiaj paub tej uas Vajtswv lub siab nyiam. Yog nej paub lawm, nej yuav ua tau neej zoo raws li Vajtswv lub siab nyiam thiab niaj hnub ua tej uas haum Vajtswv siab. Nej lub neej yuav tawg paj txi txiv thiab nej yuav paub Vajtswv heev zuj zus (Kaul 1:9-10).

Mloog mas zoo li yoojyim heev puas yog? Yog li ntawd, yog tias kuv xav paub Vajtswv tus dej siab, yam kuv yuav tau ua yog thov thiab Nws yuav qhia rau kuv. Zoo heev li puas yog? Kuv ua tau qhov no. tiamsis thaum kuv rov nyeem ntxiv feem Vajluskub no, kuv pom tias Vajtswv tabtom hais tias “Metub, koj cheem tsum paub ntau yam ntxiv thiab“. Paulus cov lus thov Tswv rau cov ntseeg Kaulauxais rov hais ntxiv hauv nqe 11 li no: “Thov Vajtswv tus uas muaj hwjchim txhawb nej lub zog kom nej muaj zog heev ntxiv, txawm yog nej tau zoo thiab txomnyem los nej thiaj ua taus siab ntev”.

Koj thiab kuv puav leej paub tias Vajtswv xav kom peb ua raws li Nws siab nyiam. Vim li ntawd, peb paub meej tias Nws mloog peb tej lus thov, thaum uas peb thov kev txawj ntse, kev thoob tsib tonrog. Tiamsis paub Vajtswv tus dej siab tsis yog tsim tsawg kub uas yuav pab peb lub neej muaj yeej. Paub Vajtswv tus dej siab thiab nqeg tes ua yog ob yam uas sib txawv. Thiab nws cheem tsum peb txojkev siv zog. Koj puas pom tias yus pheej nyiam xaiv tsis ua raws li Vajtswv siab nyiam? Lossis Vajtswv tus dej siab tsis yog tej uas koj tos ntsoov?

Ua Vajtswv tsaug, vim Nws paub peb txojkev tsis muaj zog. Ntawd yog lub tseem ntsiab uas vim li cas Paulus ntuag kom cov ntseeg yuav tsum tau thov Vajtswv pab kom paub Vajtswv tus dej siab thiab pub dag zog huv si. Vajtswv Txojlus tsis nres rau ntawd. Lub zog no los qhov twg los? Puas yog los ntawm peb lub zog? Ua Vajtswv tsaug vim lo lus teb yog ‘tsis’. Vajtswv yog tus uas pub dag zog rau peb, nqe 11 hais: “Thov Vajtswv tus uas muaj hwjchim txhawb nej lub zog kom nej muaj zog heev ntxiv”.

Vim li ntawd, thaum koj thov tus Tswv qhia Nws tus dej siab, tsis txhob tsuas thov kev thoob tsib to nrog xwb, tiamsis yuav tsum thov lub hwjchim, dag zog pab kom koj nyiaj taus, ua taus thiab nawb!

Tus phoojywg mov tshua, yog tias koj twb tau thov Vajtswv qhia rau koj txog ib phab twg, nimno cia li rov thov kom tus Tswv pub ntxiv hwjchim, dag zog kom koj fij tau tus kheej mus rau qhov chaw uas Nws twb npaj rau koj lawm.

Oneway.vn

CHƯƠNG TRÌNH THỜ PHƯỢNG DÀNH CHO BAN PHỤ NỮ. CHÚA NHẬT 19.01.2025

CHƯƠNG TRÌNH THỜ PHƯỢNG DÀNH CHO BAN PHỤ NỮ. CHÚA NHẬT 19.01.2025

in H'MÔNG on 24 Tháng Một, 2025

Hnub kaj 19.01.2025.

  1. Ntsiab lus: HAUXEYAS – TUS QHIA TSHWM VAJTSWV TXOJKEV HLUB NCAJ NCEES.
  2. Vajluskub: Hauxeyas 11:1-11; 1-3; 11-14.
  3. Nqe cim: “Kuv yuav ua raws li kuv tej lus cog tseg thiab yuav koj ua kuv tug, thiab koj yuav lees yuav kuv ua koj tus TSWV.” (Hauxeyas 2:20).
  4. Twv Vajluskub: Yelemis 7-9.
  5. Tus qauv: Sib tham.

* TAW QHIA: Sib tham.

  1. Ua ntej ntau lub limtiam, tus saib sab kev kawm muab ob lub ntsiab lus cob rau ob pab:

* Ntsiab lus 1: Hauxeyas thiab Nkaumes txojkev txijnkawm tsuag yog ib qhov pivtxwv los ua qauv qhia xwb. Vim ib tus Vajtswv uas Dawbhuv yeej tsis lam kom nws ib tus cevlus mus yuav ib tus pojniam uas deev hluas nraug li.

* Ntsiab lus 2: Hauxeyas thiab Nkaumes txojkev txijnkawm yeej muaj tseeb, yog ib lub neej uas qhia tshwm Vajtswv txojkev hlub tsis hloov siab rau Nws haivneeg Yixalayees uas pheej tso Nws tseg mus ua txhaum.

  1. Ib pab twg yuav tso ib tus sawvcev yus pab los sib tham raws li lub ntsiab lus uas yus pab tau lees. Yuavtsum npaj kom zoo lub sijhawm sib tham thiaj li yuav muaj kev lomzem.
  2. Pab coj caw ib tus uas paub Vajtswv Txojlus los xaus zaj sib tham. Yuavtsum ceevfaj thaum xaus, tsam ntsis yuav ua rau cov ntseeg totaub yuam kev ces pawg ntseeg yuav muaj teebmeem.
  3. Sijhawm sib tham.
  4. Tus coj kevcai tshaj tawm ntsiab lus sib tham thiab caw ob tus sawvcev ntawm ob pab sawv los zaum ntawm hauv ntej sib tham.
  5. Tus coj kevcai tshaj tawm kevcai sib tham: Ib pab ntawd muaj cai tawm suab pab yus tus thaum sib tham (tiamsis tsis txhob sib cav kom yeej swb). Sijhawm 20 feeb.
  6. Xaus (15 feeb): Tus xaus yuavtsum xaus txhua yam los ntawm Vajtswv Txojlus, tsis txhob siv yus kev xav los xaus zaj sib tham.

* NTAWV PAB PWV.

  1. QHIA TSHWM.

Lub npe Hauxeyas muaj ntsiab lus tias “Kev cawmdim”. Vajtswv hu Hauxeyas los ua tus cevlus rau xyoo 755-715 UY. Lub sijhawm ntawd cov Yixalayees tab tom tso Vajtswv tseg mus pehawm tej mlom. Hauxeyas txais Vajtswv tej haujlwm los qhia tshwm Vajtswv txojkev hlub uas tsis txawj hloov siab rau haivneeg Yixalayees uas pheej ntxeev siab rau Vajtswv; los ntawm tus duab uas yog tus txivneej ncaj ncees rau nws tus pojniam uas mus deev hluas nraug. Cov menyuam tis npe raws li no:

Tus metub hlob Yexelees: Hauxeyas yuav qhia txog Vajtswv txojkev txiav txim rau Ahaj vim nws tej kev pe mlom.

Tus ntxhais npe hu ua Tsis Hlub: Hauxeyas ceeb toom rau lawv paub tias yog lawv pheej ua lawv tej kev txhaum tsis tseg ces lawv yuav tsis tau txais Vajtswv txojkev hlub ntxiv lawm.

Tus tub yau hu ua Tsis Yog Kuv Haivneeg: Hauxeyas cev lus txog kev raug mus ua cev qhev thiab kev tawg ua sab ua sua ntawm haivneeg Yixalayees. Lawv yuav rov txais tau kev cawmdim dua los ntawm txojkev hlub uas nyob mus ib txhis.

Hauxeyas tej lus qhia tshwm Vajtswv txojkev hlub uas loj kawg nkaus nrog rau Nws haivneeg Yixalayees nyob rau tiam Vajluskub Qub.

  1. ZAJ KAWM:
  2. Vajtswv txojkev ncaj ncees.

Vajtswv txojkev hlub uas Nws pub rau haivneeg Yixalayees .

Tej zaum ces sib raug zoo yam li leej txiv thiab menyuam (Yaxayas 63:16; Hauxeyas 11:1), tej zaum ces mog muag yam li leej niam thiab menyuam (Yaxayas 49:15), tej zaum ces qabzib zoo yam li kev txijnkawm (Hauxeyas 1:19).

  1. Haivneeg Yixalayees txojkev ntxeev siab rau Vajtswv.

Ib tus cwjpwm txaus ntshai! Ib txojkev txijnkawm ntawm peb tibneeg, muaj ib tus neeg Akiv hais tias: “Huabcua thaum caij ntuj no, yeej tsis txias npaum li thaum uas raug lwm tus ntxeev siab”. Haivneeg Yixalayees ntxeev siab rau Vajtswv uas yog Leej Txiv, tam li tus pojniam uas ntxeev siab rau nws tus txiv ntag.

Txawm tias haivneeg Yixalayees tau tso Vajtswv tseg mus pe mlom Npa-as lawm los, Vajtswv yeej tsis tso lawv tseg. Los ntawm Nws txojkev hlub, Nws yeej mus nrhiav lawv, txib cov cevlus mus qhia lawv, ntuag lawv, coj lawv rov qab los nrog Nws uas yog tus muaj kev hlub. Nws tso lawv dim ntawm kev ua cev qhev, siv hlua kev hlub los zawm kom lawv los ntawm Nws txoj koob hmoov. Vajtswv txojkev hlub yeej tseem ua siab ntev, tos lawv.

Vajtswv txojkev hlub, kev ncaj ncees pub rau lawv yeej tsis hloov li. Yav tas los, Vajtswv tau siv Nws lub hwjchim los cawm kom lawv dim hauv tebchaws Iziv, coj lawv los rau hauv lub tebchaws uas Nws tau coglus tseg, nws hlub lawv ib yam li tus txivneej uas nws hlub nws tus pojniam ntag, tiamsis lawv ntxeev siab mus raws tus vajtswv Npa-as. Nimno, Nws nplawm lawv, thiab ua kom lawv tawg ua sab ua sua, tiamsis yav nram ntej, Nws yuav rov kho dua lawv, yuav rov yuav lawv los ntawm Nws txojkev hlub, kev ncaj ncees, dawbhuv thiab Nws txojkev hlub uas nyob mus ibtxhis.

Hauv (Efexaus 5:25-27) Paulus qhia tias Yexus Khetos hlub cov ntseeg ib yam li tus txivneeg uas nws hlub nws tus pojniam, Nws tau siv Nws txojsia, Nws cov ntshav los ntxuav kom cov ntseeg dawbhuv. Kom cov ntseeg thiaj yuav yog ib tus pojniam uas dawbhuv pub rau Nws thaum uas Nws rov los tos cov ntseeg mus nrog Nws nyob saum ntuj ceebtsheej (Tshwm sim 19:7-8).

  1. Hauxeyas lolus nqua hu (14:1-9; 2:19-20).

(1) Cia li tig rov los cuag Vajtswv (14:1-8).

(2) Cia li ua lub neej kom zoo thiab ncaj ncees (2:19-20).

Ntuag kom peb cov ntseeg niaj hnub nimno yuav tsum ua lub neej dawbhuv ib yam li tus nkauj nyab uas twb qhaib cia tos hnub tus Menyuam Yaj rooj tshoob (Tshwm sim 2:18-25; 19:7-8).

Peb puas yuav yog ib tus nkauj nyab dawbhuv rau Vajtswv lossis peb tseem tab tom caum ib tus hluas nraug twg hauv ntiajteb no? (Tej hluas nraug ntawd yog peb txojkev ntshaw, meej mom, nyiajtxiag, kev txawj ntse lossis ib tus neeg nto npe twg uas peb nyiam, nrog rau tej kev nkauj kev nraug huvsi …).

* LUB NEEJ THIAB TES HAUJLWM.

Hauxeyas tau them ib tus nqi kim los ntawm nws lub neej uas hlub ib tus pojniam deev hluas nraug. Yog ib yam uas tsis yoojyim ua tau, cheem tsum yog Hauxeyas yuavtsum mloog Vajtswv lus ib puas feem pua, txawm li ntawd los nws yeej muaj kev mob siab heev, ib yam li Vajtswv tau mob siab thaum raug haivneeg Yixalayees ntxeev siab. Ob yam uas peb kawm tau ntawm no yog:

(1) Peb muaj feem qhia Vajtswv txojkev hlub rau lwm tus.

(2) Ob yam uas yuav tsum muaj ntawm ib tus neeg uas ua Vajtswv haujlwm yog hnov qab yus tus kheej thiab mloog Vajtswv lus.

III. LUS NUG XAV THIAB SIV.

  1. Thov qhia tej yam ntawm Vajtswv txojkev hlub uas Nws pub rau haivneeg Yixalayees (Hauxeyas 11:1-2,3,4,8-9; 10-11; 12:4; 2:19-20).
  2. Haivneeg Yixalayees coj li cas los ntawm Vajtswv txojkev hlub uas Nws muab pub rau lawv? (Hauxeyas 2:13; 8:13; 11:2; 11:7).
  3. Thov tshawb txog Yexus Khetos txojkev hlub uas Nws tau muab pub rau cov ntseeg (Efexaus 5:25-27).
  4. Los ntawm qhov uas Haivneeg Yixalayees tau ntxeev siab rau Vajtswv. Hauxeyas tes haujlwm yog dabtsi? (Hauxeyas 14:1-9; 2:19-20; Tshwm sim 2:18-25; 19:7-8).
  5. Hauxeyas muaj lub neej li cas? Tus nqi uas nws tau raug thaum uas Vajtswv tes haujlwm yog li cas? (Hauxes 1).
  6. Qhia tshwm tej uas tseemceeb los ntawm Hauxeyas tes haujlwm.
  7. a. Lub ntiajteb no puv npo kev dagntxiag, koj puas yog ib tus pojniam uas ncaj ncees rau Tswv Yexus lossis tsis tabtom raws ib tus hluas nraug twg hauv ntiajteb no?
  8. Koj lub neej puas qhia tshwm Vajtswv txojkev hlub uas zoo kawg nkaus thiab mus coj tus neeg txhaum tig los cuag Vajtswv?

* HIỂU BIẾT THƯỜNG THỨC.

Bị Ngứa, Đau Vì Chạm Phải Sứa Khi Tắm Biển: Hãy lấy miếng bông thấm nước đường pha đặc đắp lên ngay. Bạn sẽ ngạc nhiên về kết quả thu được.

CHƯƠNG TRÌNH THỜ PHƯỢNG DÀNH CHO BAN NAM GIỚI. CHÚA NHẬT 19.01.2025

CHƯƠNG TRÌNH THỜ PHƯỢNG DÀNH CHO BAN NAM GIỚI. CHÚA NHẬT 19.01.2025

in H'MÔNG on 24 Tháng Một, 2025

                                  Hnub kaj 19.01.2025

  1. Ntsiab lus: TEJ KEV NTSEEG UAS TSIS MUAJ TSEEB (VẤN ĐỀ MÊ TÍN DỊ ĐOAN)
  2. Vajluskub: Kevcai 8:9-14; Yelimis 10:15; Kalatias 4:8-10; Kaulauxais 2:16,18.
  3. Nqe cim: “Yav tas los nej yeej nyob hauv qhov tsaus ntuj, tiamsis nimno nej cov uas ntseeg Vajtswv, nej twb los nyob hauv qhov pom kev lawm. Yog li ntawd, nej yuav tsum ua nej lub neej kom phim qhov uas nej yog cov uas nyob hauv qhov pom kev” (Efexaus 5:8).
  4. Twv Vajluskub: Exekhees 16-18.
  5. Tus qauv: Kawm Vajluskub pawg.

* TAW QHIA: Kawm Vajluskub pawg.

  1. 1. Ntawv: Tus saib sab kev ntseeg xaiv txojlw kawm Vajluskub raws li cov ntaub ntawv pab, sau lus nug thiab muab sai yais rau hauv ntawv cob rau txhua pawg.
  2. Xaiv txojlw kawm uas phim feem Vajluskub thiab cov kawm lub peevxwm.
  3. Sau zajkawm raws li txojlw no los kuj tau:

– Lus nug soj ntsuam (nêu việc xảy ra).

– Lus nug xav (giải thích việc xảy ra và tìm sự dạy dỗ của Lời Chúa).

– Lus nug siv (ứng dụng sự dạy dỗ vào đời sống).

  1. Sib tham: Kom lub sijhawm kawm Vajluskub muaj paj ntsig zoo, tus saib sab kev ntseeg thiab tus thawjcoj yuav tsum los kawm ua ke ua ntej.
  2. Sijhawm:
  3. 5 taw qhia thiab faib pawg.
  4. 20 feeb kawm Vajluskub.
  5. 10 feeb piav qhia.
  6. 5 feeb xaus zajkawm.
  7. Taw qhia: nyeem feem Vajluskub. Txojlw kawm. Nyeem lus nug thiab taw qhia meej rau cov kawm yoojyim sib tham.
  8. Zajkawm: Cob feem ntaub ntawv thiab cov lus nug rau txhua pawg.
  9. Xaiv thawjcoj pawg, tus sau ntawv: (Yog tsis tau muaj).
  10. Sijhawm piav qhia thiab xaus: Cov tuav ntawv ib tus zuj zus sawv los piav qhia yus pawg zaj. Tom qab ntawd tus saib sab kev ntseeg los xaus zajkawm. Ua zoo kho tej yuam kev. Hais nyav tej tseem ceeb.
  11. Nyeem Kevcai 18:9-14, cia paub:

(1) Vajtswv txwv cov pejxeem yam dabtsis? (c.11-12).

(2) Vim li cas txwv?

(3) Koj ua li cas los pab tus neeg saib yaig, ua khawv koob?

  1. Nyeem Yelimis 10:1-5, cia paub:

(1) Vajtswv ntuag cov Yixalayees yam dabtsis?

(2) Vim li cas?

(3) Xav tau Vajtswv pub koobhmoov, koj yuav ua li cas?

III. Nyeem Kalatias 4:8-10; Kaulauxais 2:16,18, cia paub:

(1) Paulus ceeb toom cov ntseeg yam dabtsis?       

(2) Vim li cas?

(3) Koj tau Vajtswv ceeb toom dabtsis? Thov cia paub.

* NTAUB NTAWV PAB PWV.

Nyob hauv lub ntiajteb uas loj thiab dav no, tibneeg pom tias yus me heev, lootoos thiab ntshai heev thaum ntsia pom tej uas txawv txav ib puag ncig yus. Ntawm qhov uas ntshai, tibneeg poob mus rau hauv txojkev ntseeg uas tsis muaj tseeb! Txij phuas thaum ub los txojkev ntseeg uas tsis muaj tseeb twb pib los cuam tshuam rau hauv tibneeg txojkev ntseeg. Hauv tibneeg tej kev ntseeg yeej sib hauj ntau heev nrog tej kev ntseeg uas tsis muaj tseeb. Vim raug nyob hauv qab tswjhwm ntawm kev txhaum, tibneeg raug coj mus ntseeg tej kev ua xyim xyav uas tsis muaj qab hau, nyiam ntsia ntsoov rau tej xwm uas tsis muaj hauv paus hauv ntsis hloov rau qhov uas mus nrhiav qhov tseeb! Tsuav yam yog tias thov tau koobhmoov rau yus tus kheej xwb!

Los ntawm tej neeg txawj ntse kev tshawb fawb, muaj qee yam kev ntseeg tsis muaj tseeb raug muab tshem tawm. Tiamsis txojkev ntseeg tsis muaj tseeb yeej tseem muaj nyob nraim nkoos hauv txhua tus neeg lub neej. Kiag tiam vam meej no los tseem ntsia pom tus duab ntawm txojkev ntseeg tsis muaj tseeb! Yog ib tus ntseeg Yexus koj muaj tus yam ntxwv li cas rau qhov teebmeem no?

  1. Kev ntseeg tsis muaj tseeb yog dabtsis?

Hauv lus Mekas tsuas muaj ib lo lus superstition hais txog kev ntseeg tsis muaj qab hau. Hauv lus Hmoob muaj peb lo lus: Tsis muaj tseeb txhais tias ntseeg yam dig muag ntsuav, qaug quav rau ib yam dabtsis twg. Thiab ntseeg tej yam txaus ntshai tsawv, tej uas muaj tsis taus!

Raws li lub ntsiab saum, kev ntseeg tsis muaj tseeb yog ib yam kev ntseeg uas tsis muaj qab hau, tsis muaj hauv paus hauv ntsis. Txojkev ntseeg no pib muaj los ntawm txojkev ntshai, thiab kev ntshai yog lub cim ntawm txojkev tsaus ntuj cov menyuam nyob hauv dab ntxwgnyoos qab tswjhwm.  Ntawm txojkev ntshai, tibneeg raug dag coj mus ntseeg tej uas ua lim loos tsis muaj duab dabtsis uas tabtom muab yus qhwv. Vim li ntawd pom yam twg twb ntshai, twb yoojyim ntseeg. Nov zoo li xob nroo yuav muaj nag cua, ces ntseeg tias ntawd yog tej vajtswv npau taws lawm, pom plas aub ya los tsaws ntawm hauv muag tseg xwb twb ntseeg tias ntshai yuav muaj yam twg tsis zoo los raug! Ntsia pom tej roob uas loj thiab siab twb ntshai, ntsia pom tej lub pob zeb uas muaj duab txawv txawv twb ntshai, ntseeg hais tias ntawd yog ntsujplig! Vim li ntawd, txojkev ntseeg uas tsis muaj tseeb coj neeg mus hauv txojkev tsaus ntuj ntawm txojkev tuag thiab tsis muaj chaw cia siab! (Yelimis 10:8).

  1. Tus ntseeg Yexus tus yam ntxwv nrog rau txojkev ntseeg tsis muaj tseeb.

Tej kev ntseeg uas tsis muaj tseeb hais saum maub hais los ces yog teev hawm “dab moov zoo” thiab “dab pov hwm”, kom tibneeg tau nyob tiaj tus thiab muaj yam ub yam no, txawm yog yuav raug nyob hauv dab ntxwgnyoog lub hwjchim!

Vim li ntawd, hauv txojkev ntseeg tseeb ntawm tus ntseeg Yexus, peb tsis pom zoo rau txojkev ntseeg tsis muaj tseeb tsis hais raws li tus yam ntxwv twg. Vim peb tau hu los ntseeg qhov tseeb, tsis yog lam tau lam ntseeg tej uas tsis muaj tseeb. Nrog rau txojkev ntseeg tsis muaj tseeb, tus ntseeg Yexus yuav tsum tau ua tshwm peb yam no hauv yus lub neej txhua hnub: (1) Dhau ua tus neeg dawbhuv hauv Vajtswv. (2) Txhais ruam mus los ntawm txojkev ntseeg. (3) Mus yam li tus uas nyob hauv qhov pom kev (2Kaul 5:7; Efexaus 5:8).

Lub neej ywj siab hauv Yexus Khetod:

  1. Peb yeej tsis ntseeg ib yam twg uas tsis muaj Vajluskub ua chaw txawb, txawm yog yam ntawd yuav muaj lub npe tias yog cov ntseeg Yexus li xws li “pluaj ntawv daws kev txhaum, pe cov timthawj tej mlom, Vaj Leejniam tej txujci tseem ceeb cawmdim…”
  2. Peb tsis pe tej timtswv pub moov zoo, timtswv pov hwm ntawm tej cov neeg ua khawv koob saib yaig. Tsuas muaj Vajtswv Ntuj tibleeg xwb thiaj yog tus loj dua ntais, Nws tibleeg thiaj muaj hwjchim pub koobhmoov, tso kev puamtsuaj rau tibneeg (Yelimis 10:10).
  3. Peb tsis tag yuav cim ib hnub, ib lub sijhawm twg lis, vim txhua hnub puav leej yog Vajtswv li, Nws yog tus tuav rawv txhua tus lub neej (Nkauj 139:13-16).
  4. Peb cia li rhuav tshem txhua yam uas peb tseem tuav rawv, tseem dai ndhuag, tseem coj rawv ntawm peb es cia siab tias yuav coj txoj koobhmoov los, kuj tsis txhob saib hnub nyoog, saib raws tej tsiaj xyoo yug, vim tej ntawd yog tus duab ntawm txojkev saib yaig, thiab Vajtswv tus menyuam uas nyob hauv qhov tsis tsimnyog mus koom hlo li.

Hais luv

  1. Txojkev ntseeg uas tsis muaj tseeb yog tus duab ntawm txojkev teev hawm tej dab koobhmoov, dab pov hwm.
  2. Txojkev ntseeg Yexus txawv li txojkev ntseeg tsis muaj tseeb, vim: Txojkev ntseeg Tswv Yexus muaj ib Tus uas nyob kiag ntawd tsis paub hloov li uas yog Tswv Yexus thiab lub chaw tiag taw ruaj khov yog Vajtswv Txojlus.
  3. Kev saib yaig thiab pe mloom yog tej uas Vajtswv txwv tuag nthi Nws haiv neeg.
  4. nrog rau txojkev ntseeg tsis muaj tseeb, yam uas tus ntseeg yuav tau ua txhua hnub yog: Dhau ua neeg dawbhuv, mus los ntawm txojkev ntseeg, thiab mus ib yam li tus uas nyob hauv qhov pom kev.

LUS NUG XAV THIAB SIV.

1a. Thov piav qee yam kev ntseeg tsis muaj tseeb uas peb Hmoob pheej ntseeg.

  1. Piav qee yam kev ntseeg tsis muaj tseeb uas cov neeg nyob sab hnub poob ntseeg.
  2. Hauv cov ntseeg Yexus keeb kwm, muaj tej kev ntseeg tsis tseeb twg los raug rau Vajtswv Pawg ntseeg?
  3. Niaj hnub nimno, kev ntseeg tsis pom muaj zoo li cas?

2. Koj tabtom ua lub neej los ntawm txojkev ntseeg hauv Tswv Yexus, lossis tseem muaj tej kev ntseeg uas tsis muaj tseeb ua rau koj ntshai thiab? Koj puas tabtom nrog Vajtswv mus ua ke los ntawm Nws txojkev ywj pheej?

CHƯƠNG TRÌNH THỜ PHƯỢNG DÀNH CHO BAN THANH NIÊN. CHÚA NHẬT 12.01.2025

CHƯƠNG TRÌNH THỜ PHƯỢNG DÀNH CHO BAN THANH NIÊN. CHÚA NHẬT 12.01.2025

in H'MÔNG on 24 Tháng Một, 2025

Hnub kaj 12.01.2025

  1. Ntsiab lus: NTSIA NTSOOV RAU TUS TSWV
  2. Vajluskub: Chk 6:5-14, 19:13; Cov thawj tswj 6:11-16;
  3. Nqe cim: “ Txhua yam uas koj ua koj yuav tsum nco ntsoov tus Tswv, nws thiaj yuav coj koj taug txojkev uas yog txoj tseeb” (Paj Lus 3:6).
  4. Twv Vajluskub: Paj Lus 6-10.
  5. Tus qauv: Piav qhia.

* TAW QHIA: Piav qhia.

  1. Cob ntsiab lus piav qhia rau ib pawg ua ntej ntau athiv.
  2. Pawg yuav los ua ke tshawb fawb Ntsiab lus: “Ntsia ntsoov rau tus Tswv”.
  3. Pawg yuav xaiv ib tus los ua tus piav qhia. Txhua tus hauv pawg pab ntaub ntawv. Tus ntawd yuav saib cov ntaub ntawv ntawd los sau zaj piav qhia.
  4. Thaum sau tag, tus piav qhia yuav nyeem tej txheej txheem rau pawg mloog kom yuav raws li sawvdaws pom zoo.
  5. Tom qab sijhawm piav qhia, txhua pawg yuav muaj lus nug, pawg ris feem xyuam lub ntsiab lus yauv teb.

* NTAUB NTAWV PAB.

Yuav ua li cas kom muaj lub neej ntsia ntsoov rau Vajtswv?

  1. Ntsia ntsoov rau Vajtswv.

Xav kom tsuas ntsia ntsoov rau Vajtswv, peb yuav tsum tau mus ze rau lub chaw ciajsia, txo hwjchim thiab tig ntiag rau tus Tswv. Thaum no, tus Tswv thiaj yuav muab peb txawb rau lub chaw uas Nws npaj yuav ua tiav Nws lub homphiaj uas Nws npaj phuas thaum chivkeeb los. Kom meej dua, peb yuav mus saib ob feem sau qhia hauv qab no.

  • Ntsia ntsoov rau yus tus kheej:

– Npaj lub neej rau sab nqaij tawv nkaus xwb.

– Tsa hwjchim, khav txiv rau tej uas yus tus kheej ua tau.

– Cia siab rau tus kheej.

– Vam khom yus lub peev xwm nkaus xwb.

– Tsaus siab rau tus kheej.

– Nrhiav tswvyim los ua kom ntiajteb lees txais.

– Ntsia lub neej li neeg ntsia.

– Ua neeg qia dub thiab pheej tshaj.

  • Ntsia ntsoov rau Vajtswv:

– Cia siab ruaj khov rau Vajtswv.

– Vam khom Vajtswv, cia siab rau Nws lub hwjchim thiab txojkev npaj.

– Ua lub neej pub rau Vajtswv thiab Nws tes haujlwm.

– Txo hwjchim tabmeeg Vajtswv.

– Tsis ua raws li neeg lub siab nyiam.

– Nrhiav Vajtswv lub tebchaws thiab Nws txojkev ncaj ncees ua ntej.

– Nrhiav Vajtswv txojkev taw qhia txhua sijhawm.

– Ua neej dawbhuv thiab muab siab rau ntseeg.

Ntsia ntsoov rau tus kheej yog ib lub voj hluas uas tau muab cuab zoo heev. Nws ntse heev kawg nkaus li (hais raws li neeg hais). Ib yam li vajntxwv Axaj, koj muaj cuab kav zam dhau zaum no, tiamsis lwm zaug koj ho mag nws lub voj hluas. Ntsia ntsoov rau Vajtswv, koj lub neej qub yuav tsum niaj hnub tuag mus thiab nyoo Vajtswv txhua sijhawm: “Kuv qhia tseeb rau nej hais tias yog tsis muab lub noob nplej faus rau hauv av kom lwj, ces lub noob ntawd nws yuav nyob nws tib lub xwb. Yog lub noob npleej ntawd lwj thiaj yuav tuaj kaus thiab txi tau ntau lub. Tus uas khuvxim nws txojsia, tus ntawd yuav tsis tau txojsia; tus uas tsis khuvxim nws txojsia hauv lub ntiajteb no, tus ntawd yuav tau txojsia ibtxhis” (Yauhas 12:24-25).

  1. Vajtswv lub homphiaj tsis yog peb lub homphiaj.

Kom ua tau lub neej ntsia ntsoov rau Vajtswv, koj yuav tsum ua lub neej raws nraim li Vajtswv tej homphiaj, tsis yog ua raws li koj tej homphiaj. Koj yuav tsum nrhiav kom paub txog Vajtswv txojkev ntsia, tsis yog ntsia li neej ntiajteb ntsia uas yuam kev rhuav. Thaum tus Tswv yuav ua ib yam twg hauv ntiajteb no, tus Tswv nqeg tes ua ntej los hais rau ib tus neeg twg. Vim lub vimchij saum ntuj, Nws tau xaiv Nws haiv neeg los koom tes ua kom tiav Nws lub homphiaj.

Thaum yuav rhuav tshwm lub ntiajteb los ntawm kob dej dag, Vajtswv los hais qhia Nau-as (Chivkeeb 6:5-14). Thaum yuav ua kom ob lub nroog Kaumaulas thiab Xaudoos puamtsuaj, Nws los hais rau Aplaham paub (Chivkeeb 18:16-21; 19:13). Tug Tswv los hais qhia Nkidi-oos, thaum Nws yuav cawm cov Yixalayees dim cov Medias txojkev tsim txom (Cov Thawjtswj 6:11-16). Tus Tswv los rau Xau-les thaum Nws npaj yuav coj Txojmoo zoo mus rau lwm haiv neeg nyob rau tiam ntawd (Tes Haujlwm Cv 9:1-16). Meej heev, ua ntej tus Tswv yuav ua ib yam dabtsis Nws yeej qhia paub ua ntej.

Vim li ntawd, peb yuav tsum kho peb lub neej kom haum Vajtswv lub homphiaj, kom Nws ua tau yam Nws xav ua dhau peb lub neej. Vajtswv tsis yog peb tus tub qhe es yuav ua raws peb tej homphiaj. Peb yog Vajtswv li tub qhe, yog peb tsis kam  nyoo, tus Tswv yuav cia peb ua raws peb siab nyiam. Tiamsis thaum peb mus raws peb siab nyiam lawm, peb yuav tsis muaj hnub muaj xwm rau Vajtswv tej haujlwm uas Nws xav ua lossis ua rau lwm dhau los rau peb.

LUS NUG XAV THIAB SIV

  1. Lub neej uas ntsia ntsoov rau yus tus kheej yog li cas?
  2. Lub neej ntsia ntsoov rau Vajtswv yog li cas?
  3. Hauv Ntawv Nkauj 81:13-14, yam dabtsis yuav dhau muaj tseeb yog tias cov Yixayees mloog thiab raws tus Tswv?
  4. Hauv Henplais 3:7-19, vim li cas cov Yixayees tsis tau mus rau hauv lub tebchaws cog lus tseg? Koj nyiam mus raws yus siab nyiam es kom raug mus mus los los hauv lub tiaj suab puam sab ntsujplig lossis mus raws Vajtswv txojkev es kom tau mus sai sai rau hauv lub tebchaws cog lus tseg ntawm sab ntsujplig? Thov piav qhia.
CHƯƠNG TRÌNH THỜ PHƯỢNG DÀNH CHO BAN PHỤ NỮ. CHÚA NHẬT 12.01.2025

CHƯƠNG TRÌNH THỜ PHƯỢNG DÀNH CHO BAN PHỤ NỮ. CHÚA NHẬT 12.01.2025

in H'MÔNG on 24 Tháng Một, 2025

Hnub kaj 12.01.2025.

  1. Ntsiab lus: DANIYEES – TUS QHIA TSHWM VAJTSWV YOG TUS TSWJHWM IB PUAS TSAVYAM.
  2. Vajluskub: Daniyees 2:26-49; 4:20-37; 5:26; 6:25-27.
  3. Nqe cim: “Vajtswv yog tus txawj ntse thiab muaj hwjchim loj! Cia li qhuas nws mus ibtxhis” (Daniyees 2:20).
  4. Twv Vajluskub: Yelemis 4-6.
  5. Tus qauv: Qhuab qhia.

* TAW QHIA: Qhuab qhia.

  1. Caw xibhwb lossis thawjcoj los npaj zaj qhuab qhia ua ntej li 2 Athiv.
  2. Sau ntsiab lus, feem Vajluskub ua chaw txawb, nqe cim thiab tej feem Vajluskub pab pwv cob rau tus qhuab qhia kom nws thiaj li npaj tau raws li cov niamtsev lub hom phiaj. Cheemtsum ces muab phau ntawv no rau nws saib feem ntawv pab pwv los tau.

* NTAWV PAB PWV.

  1. QHIA TSHWM.

Nyob rau xyoo 604 UY. xyoo thib 3 uas Yehauyakees ua vajntxwv kav Yudas. Vajntxwv Nenpukanexales coj tubrog tuaj vij lub nroog Yeluxalees thiab ntes ntau leej mus ua cev qhev. Daniyees yog xeem Yudas. Nyob rau tebchaws Npanpiloos Daniyees raug tis dua lub npe tshiab hu ua Npeetesaxas. Tom qab kawm txhua yam hauv nroog Npanpiloos tas Daniyees tau mus ntsib vajntxwv. Dhau los ntawm kev hais lus, vajntxwv xav tsis thoob li, rau qhov Daniyees yog ib tus uas ntse tshaj 10 tus txiv neeb txiv yaig hauv Npanpiloos.

Daniyees yog ib tus neeg tseemceeb rau txhua tiam vajntxwv Npanpiloos. Dhau los ntawm qhov uas txhais zaj npau suav txog tus mlom, vajntxwv thiaj tsa Daniyees ua tus saib tagnrho tej tub txawj tub ntse thiab tsa nws ua tus kav tagnrho 3 lub nroog hauv Npanpiloos. Dhau los ntawm kev txhais cov npe ntawv uas sau rau ntawm phab ntsa, vajntxwv tsa Daniyees ua tus nom loj thib 3 ntawm tebchaws.

Daniyees yog tus uas pom kev vammeej thiab kev puas ntsoog ntawm txhua tiam vajntxwv hauv Npanpiloos. Tej lus uas Daniyees tau cevlus tshwjxeeb yog hais txog tus Tswv Yexus, thaum Nws hais rau cov thwjtim saum roob txiv ntoo roj txog qhov uas lub ntiajteb no yuav kawg, kev txhim tsa rov  muaj tebchaws Yixalayees, thiab qhov uas tus Tswv Yexus rov qab los zaum ob (Daniyees 2:31-45; 9:24-27; Malakaus 13; Mathais 24:15;).

Dhau los ntawm Daniyees lub neej, peb yuav ua cas thiaj qhia tshwm txog Vajtswv lub hwjchim loj dua ntais uas Nws tswjhwm lub ntiajteb no?

  1. XAV.
  2. DANIYEES TES HAUJLWM.
  3. Daniyees txhais zaj npau suav.

(1) Txhua yam nraim nkoog puavleej yog Vajtswv li (2:17-20).

(2) Vajtswv yog hauv paug ntawm kev txawj ntse (Pajlug 1:7, 2Kauleethaus 3:5).

(3) Zaj npau suav uas Daniyees txhais tsis yog tej kev xav li peb tibneeg xav.

– Vajntxwv Nenpukanexales txog kev khav theeb.

– Txhais ntawm tsob ntoo loj, Daniyees qhia tshwm rau vajntxwv tias Vajtswv yog tus uas loj dua ntais, Nws tsa tus neeg txo hwjchim, thiab txo tus uas khav theeb (4:34-35).

– Ntawm vajntxwv Npesaxas tus uas ua vajntxwv txuas ntxiv Nenpukanexales: Daniyees raug caw mus txhais tas ua rau vajntxwv paub tias Vajtswv yog tus tuav vajntxwv txoj pa, thiab txhua txoj hauv kev ntawm vajntxwv lub neej. Nws twb suav vajntxwv lub tebchaws thiab yuav ua mus kom txog thaum kawg, qhov ntawd yog lub ntsiab lus ntawm cov npe ntawv: MENES, MENES, TEKELES, PALEXEES (5:22-30).

– Ntawm vajntxwv Dali-us: Vajtswv txib timtswv los kaw tsov ntxhuav lub qhov ncauj, tsis pub tsov ua li cas rau Daniyees. Qhov timkhawv no ua rau  vajntxwv fwm Vajtswv, vajntxwv thiaj nqua hu kom tej pejxeem sawvdaws cia li qhuas Vajtswv (6:26-27).

  1. Daniyees raug kev tsim txom.

Los ntawm qhov uas nws muaj meej mom siab, ua rau nws tej yeebncuab ntxub nws. Lawv kom vajntxwv sam hwm kom 30 hnub tsis pub leejtwg pehawm, lossis thov lwm tus vajtswv, tsuas yog vajntxwv tibleeg nkaus xwb. Yog leejtwg tsis ua raws yuav raug pov rau hauv qhov tsov ntxhuav. Daniyees yeej tsis quav ntsej, nws yeej tseem ib hnub txhog caug thov Vajtswv 3 zaug li nws ibtxwm (6:10).

(1) Daniyees cia siab rau Vajtswv: Nws yeej thov Vajtswv tabmeeg.

(2) Daniyees ncaj ncees rau Vajtswv: Thov Vajtswv tsis tseg.

  1. Daniyees tes haujlwm cevlus.

Daniyees paub txog ntau yam uas Vajtswv yog tus qhia rau nws txog thaum ntiajteb kawg (7-12). Daniyees paub txog ntau yam tshwmsim txij ntua vajntxwv Nenpukanexales tiam mus txog thaum Yexus Khetos rov qab los. Lub ntiajteb yuav muaj 4 lub tebchaws loj sib hloov tswjhwm, ib feem ntawm tus mlom yog pivtxog ib lub tebchaws ntag.

  1. DANIYEES UA LUB NEEJ HWM TUS TSWV.

Daniyees thiab Yauxes muaj ntau yam sib xws. Nkawd puav leej raug coj mus rau hauv ib lub tebchaws uas tsis muaj kev pehawm Vajtswv, nkawd puavleej tau tej koobmoov uas txhais npau suav, nkawd puavleej tseem hluas tiamsis muaj lub neej uas hwm tus Tswv. Daniyees tau qhia tshwm vajntxwv paub txog Vajtswv lub hwjchim uas loj thiab qhov uas Vajtswv yuav los cawm.

III. LUS NUG XAV THIAB SIV.

  1. a. Daniyees muaj kev txawj ntse tshwjxeeb rau yam twg? Yog muab nws piv rau cov tub txawj tub ntse hauv Npanpiloos nev zoo li cas xwb? (Daniyees 1:17-20; 4:9; 4:18; 5:11-12).
  2. Daniyees qhia tshwm Vajtswv lub hwjchim li cas rau vajntxwv paub? Lawv muaj kev xav li cas txog Vajtswv?
  3. a. Dhau los ntawm txhua tiam vajntxwv Npanpiloos, Daniyees tau txais tej meej mom li cas? Nyob rau thaum nws raug kev tsim txom yog nws tuav lub meej mom twg? (Da 2:48-49; 6:29; 6:1-4).
  4. Daniyees ua li cas thaum nws cov yeebncuab tsim txom nws? Thaum kawg zoo li cas xwb? (Da 6:10-28).
  5. Thov qhia tshwm tej yam uas hais txog Daniyees lub neej uas hwm Vajtswv (1:8; 2:1; 2:20-21; 26-28; 49; 6:10-13; 21-22).
  6. Daniyees lub neej uas ua haujlwm, thiab nws tej kev raug tsim txom muaj ntsiab lus li cas rau peb lub neej uas ntseeg niaj hnub nim no?
  7. Koj yuav ncaj ncees qhia txog Vajtswv lub hwjchim li cas rau tus uas tawm tsam thiab ua saib tsis taus Vajtswv?

* HIỂU BIẾT THƯỜNG THỨC.

Cách Chống Say Sóng: Lấy gừng tươi cùng với gừng khô, tán nhuyễn uống vào là khỏi.

CHƯƠNG TRÌNH THỜ PHƯỢNG DÀNH CHO BAN NAM GIỚI. CHÚA NHẬT 12.01.2025

CHƯƠNG TRÌNH THỜ PHƯỢNG DÀNH CHO BAN NAM GIỚI. CHÚA NHẬT 12.01.2025

in H'MÔNG on 24 Tháng Một, 2025

Hnub kaj 12.01.2025

  1. Ntsiab lus: TEJ UAS POJ UA TSEG YAWM UA CIA.
  2. Vajluskub: Yelimis 10:1-5; Kalatias 4:8-10; Efexaus 5:8-11.
  3. Nqe cim: “Nej tsis txhob ua nej lub neej zoo li tej neeg ntiajteb ua, tiamsis nej yuav tsum cia Vajtswv hloov nej lub siab kom nej muaj lub siab tshiab. Nej thiaj yuav paub ua raws li Vajtswv lub siab nyiam. Yog nej ua li ntawd, nej thiaj paub ua qhov zoo, ua haum Vajtswv siab thiab paub ua zoo kawg nkaus” (Loos 12:2).
  4. Twv Vajluskub: Exekhees 13-15.
  5. Tus qauv: Sib tham.

* TAW QHIA: Sib tham.

  1. Ua ntej ntau athiv, tus saib sab kev ntseeg cob lub ntsiab rau ob pab:

Ntsiab lus 1: Cov ntseeg Yexus yuav tsum tau ua lub neej li tej uas poj ua tseg yawm ua cia.

Ntsiab lus 2: Cov ntseeg Yexus txhob ua li tej poj ua tseg yawm ua cia.

  1. Pawg los nyob ua ke thiab sib tham, xaiv ib tus sawv cev pawg hais daws pawg zaj. Yuav tsum npaj tej ntsiab lus kom zoo kom lub sijhawm sib tham npau dam thiab lom zem.
  2. Cov thawjcoj caw ib tus uas paub Vajtswv Txojlus, loj hlob sab ntsujplig los ua tus xaus zajkawm. Yuav tsum ua zoo, yog xaus zajkawm yuam kev yuav ua rau cov kawm ntxhov, phomsij rau Pawg ntseeg. Yog cheem tsum kuj muab feem ntaub ntawv pab pwv rau tus ntawd qev.
  3. Sijhawm sib tham.
  4. Tus coj tshaj ntawm ntsiab lus thiab caw tus sawv cev ntawm ob pawg sawv los tig xub ntiag ua ke tabmeeg sawvdaws.
  5. Tus coj hais kevcai sib tham: Txhua pab ywj siab piav qhia, hais daws yus pawg zaj (tiamsis txhob sib cav kom yeej). Sijhawm: 20 feeb.
  6. Xaus (15 feeb): Yuav tsum xaus raws li Vajtswv Txojlus qhia (txhob hais raws li yus kev totaub xwb) los hais tawm qhov tseeb.

* NTAUB NTAWV PAB PWV.

Hauv lub ntiajteb no muaj ntau haiv neeg sib txawv. Ib haiv neeg twg puav leej nyiag muaj nyiag li kablis kevcai lossis tej uas poj ua tseg yawm ua cia. Yog li ntawd thaum uas peb mus rau lwm qhov, yuav tsum tau paub txog luag tej kevcai qhov ntawd kom yooj yim nyob nrog luag.

Tej zaum peb yuav yoojyim coj tau raws li tej kevcai tshiab, ib yam li Nyab Laj muaj ib nqe paj lus hais li no “Nhập giang tùy khúc, nhập gia tùy tục” (txhais tias, tus dej nkhaus li cas yus yuav tau ua luam dej raws li ntawd, mus rau tsev neeg twg lawm yus yuav tau coj li lawv). Nyob qhov twg yuav tau coj raws qhov ntawd tej kevcai. Lossis tus ntseeg tsis txhob coj raws li qhov chaw ntawd tej kablis kevcai uas poj ua tseg yawm ua cia! Tej lus hais saum puas yog? Hauv lub neej txhua hnub, tus ntseeg Yexus yuav tsum muaj tus coojpwm li cas nrog rau tej kablis kevcai uas poj ua tseg yawm ua cia?

  1. TEJ UAS IB TXWM COJ THIAB QHOV TSEEB NTAWM VAJLUSKUB.

Tej uas ib txwm coj lossis poj ua tseg yawm ua cia muab hais los ces tsuas yog tej uas luag pheej ua npliag tes hais npliag ncauj raws lub sijhawm ntev loo thiab tau muab xaus los ua ib lub khum muaj ntsim. Ib txojkev kablis kevcai twg nws zoo nws lawm ib yam, lossis ntawm kuj yog kevcai ntawm ib txojkev ntseeg, lossis ntawd yog kevcai dab qhua… vim li ntawd tej uas poj ua tseg yawm ua cia tej zaum yuav yog zoo kevcai, tej thaum kuj yog phem kevcai nyob txij ntawm haiv neeg ntawd li kev txawj ntse thiab kev hlub. Tej uas poj ua tseg yawm ua cia muaj cuab kav cuam tshuam rau lwm rau ib ntu sijhawm, lossis kuj yuav ploj mus lossis hloov pauv nyob txij ntawm tibneeg txojkev txawj ntse thiab kev hlub hauv txhua tiam neeg. Pivtxwv tej uas poj ua tseg yawm ua cia nyob rau tebchaws Indias yav thaum ub mas yog tias tus txiv tuag ua ntej, tus pojniam yuav raug muab faus ciaj nrog tus txiv. Tiamsis nim no luag tsi coj li ntawd lawm!

Yam uas peb yuav tsum tau feeb meej yog tej uas poj ua tseg yawm ua cia tsis yog Qhov tseeb. Tej zaum yuav muaj tej yam haum peb txojkev ntseeg, kuj muaj tej yam tawm tsam Vajluskub. Tej kablis kevcai yuav hloov pauv raws lub sijhawm, tiamsis qhov tseeb hauv Vajluskub nyob nrog lub sijhawm tsis hloov. Yog li ntawd, nrog rau tej uas poj ua tseg yawm ua cia, qhov tseem ceeb yog peb yuav tsum tau tshawb nrhiav kom paub keeb kwm seb tej ntawd puas haum raws li Vajtswv Txojlus qhia.

  1. VAJLUSKUB CEEB TOOM TXOG TEJ UAS POJ UA TSEG YAWM UA CIA.
  2. Tsis txhob ua raws li tej uas neeg ib txwm coj.

Thaum tabtom taug kev mus rau hauv lub tebchaws cog lus tseg, Vajtswv tau hais nyav rau cov Yixalayees txog ob yam no: Tsi txhob ua li tej uas lwm haiv neeg ib txwm ua tiamsis yuav tsum coj raws nraim li kuv tej kevcai thiab kuv tej lus sam hwm. Ua ntej mus rau hauv lub tebchaws, cov Yixalayees tau ua cev qhev hauv tebchaws Iziv, yog ib haiv neeg uas pe dab mlom. Thiab hauv tebchaws Kana-as, cov Yixalayees kuj yuav tsum tau twb taubhau rau cov haiv neeg uas pe mlom thiab. Lawv muaj tej kevcai uas phem heev tawm tsam Vajtswv xws li muab menyuam hlawv fij rau tus mlom Mo-lóc thiab puamtsuaj rau hauv txojkev sib deev pojnim deev pojniam txiv neeg deev txiv neej (Levis Kevcai 18:1-5, 21-23, 30). Yog li ntawd qhov uas Vajtswv hais saum, txhais tias Vajstwv cov menyuam yog cov uas tau Vajtswv xaiv thiab cawm, tau hu tawm hauv lub ntiajteb no los ua lub neej raws li Vajtswv tej kevcai tsis yog ua raws li tej uas neeg ib txwm ua.

  1. Tsi txhob rov qab mus coj txoj qub kevcai.

Hauv tiam Phau Tshiab timthawj Paulus kuj ceeb toom cov ntseeg hauv Kalatias kom txhob tso kev ntseeg tseg rov qab mus coj txoj qub kevcai. Vim txojkev ntseeg hauv Yexus Khetod, lawv twb tau cawmdim tawm hauv txojkev qub kevcai, tej kev ntseeg cuav. Yog li ntawv lus ntuag hauv Kalatias 4:8-11, txhais tias cov ntseeg Yexus tau hu los nyob hauv txojkev ywj pheej hauv Yexus Khetod thiab ua lub neej raws li qhov tseeb, tsis txhob ua li tej uas tej laus ib txwm coj.

  1. TUS NTSEEG YEXUS TUS YAM NTXWV NROG RAU TEJ UAS POJ UA TSEG YAWM UA CIA.

Raws li Vajtswv Txojlus qhia, nrog rau tej kevcai uas tej laus ib txwm coj uas tsis haum txojkev ntseeg Yexus, peb yuav tsum tau muaj tus yam ntxwv li cas?

  1. Txhob ua li neeg ntiajteb ua, tiamsis yuav tsim muaj lub siab tshiab (Loos 12:2).

Tus ntseeg Yexus tau hu lo ua lub neej tshiab hauv Tswv Yexus, tsis yog txia mus ua lub neej tsis zoo raws lub ntiajteb.

  1. Tsi txhob koom tes rau txojkev tsaus ntuj tes haujlwm (Efexaus 5:8-11).

Vim peb yog qhov kaj li menyuam, peb kuj tsis tawm tsam neeg ntiajteb tej kablis kevcai. Tiamsis yam tseem ceeb yog kev qhia tshwm tus coojpwm tsis koom nrog tej kevcai uas tawm tsam peb txojkev ntseeg Yexus. Hauv keeb kwm pawg ntseeg, thaum cov ntseeg Yexus pib qhia Moo zoo rau lwm haiv neeg, cov timthawj raug tsimtxom thiab kom hais tias yog neeg tsim muaj kev kub ntxhov, tshuav tshem lawv tej kablis kevcai uas poj koob yawmtxwv ib txwm ua los! Hla dhau ntau txheeb ntau tiam, tej qub kevcai tseem yog ib qhov kev sim siab rau cov ntseeg txojkev ua neej, tshwj xeeb yog tej kevcai uas tawm tsam yus txojkev ntseeg: ua li neeg ib txwm ua lossis ua raws li qhov tseeb ntawm Vajtswv? Ntawm no yog tus nqi rau peb txojkev ntseeg.

Hais luv

  1. Txhob ua raws li tej kev phem uas neeg ntiajteb pheej ua, tiamsis ua raws li Vajtswv tej kevcai, yob ob yam uas Vajtswv qhia rau Nws haiv neeg.
  2. Tus ntseeg Yexus tau Vajtswv hu los ua raws li qhov tseeb tsis yog ua li neeg ib txwm ua.
  3. Tso txojkev ntseeg Yexus tseg rov mus ua qub kevcai yog rov mus rau txojkev txhaum kev tsaus ntuj khi.
  4. Nrog rau tej qub kevcai, yam ntxwv ntawm tus ntseeg Yexus yog: (1) Saib seb tej ntawd puas tawm tsam Vajluskub. (2) Tsis ua raws, tsis xyaum tej uas tawm tsam txojkev ntseeg Yexus.

LUS NUG XAV THIAB SIV.

  1. Nyeem cov nqe Vajluskub hauv qab no thiab nrhiav paub:
  2. Levis Kevcai 18:21-23: Piav qee yam uas cov tsis ntseeg nyiam ua.
  3. Levis Kevcai 18:1-5; Yelimis 10:1-2: Vajtswv txwv cov Yixalayees yam twg? Thiab qhia lawv ua dabtsis? Vim li cas?
  4. Kalatias 4:8-11: Paulus ceeb toom cov ntseeg hauv Kalatias yam dabtsis? Vim li cas?
  5. Tej kablis kevcai uas poj ua tseg yawm ua cia twg ntawm peb Hmoob tawm tsam Vajtswv Txojlus?
  6. Koj puas raug cuam tshuam ib yam kev phem twg ntawm yam tsis zoo uas pog yawg ua cia? Koj puas mus raws li qhov tseeb uas tus Tswv qhia?
CHƯƠNG TRÌNH THỜ PHƯỢNG DÀNH CHO BAN THANH NIÊN. CHÚA NHẬT 05.01.2025

CHƯƠNG TRÌNH THỜ PHƯỢNG DÀNH CHO BAN THANH NIÊN. CHÚA NHẬT 05.01.2025

in H'MÔNG on 24 Tháng Một, 2025

Hnub kaj 05.01.2025

  1. Ntsiab lus: Nrhiav Paub Vajtswv Tus Dej Siab.
  2. Vajluskub: Chivkeeb 12:1-5, Henplais 11:8-12.
  3. Nqe cim: “Kuv tus Vajtswv, kuv yeej txaus siab ua zoo kom haum koj siab. Kuv yuav khaws koj tej lus qhia rau hauv kuv lub siab mus li” (Ntawv Nkauj 40:8).
  4. Twv Vajluskub: Paj Lus 1-5.
  5. Tus qauv: Qhuab qhia.

* TAW QHIA: Qhuab qhia.

  1. Caw tus (Xibhwb, Txwjlaug) qhuab qhia ua ntej 2 athiv.
  2. Sau rau hauv ntawv ntsiab lus, Vajluskub, nqe cim thiab muab rau tus qhuab qhia kom tus ntawd qhia raws li Pab Hluas tsab kom tswj. Yog cheem tsum, kuj muab feem ntaub ntawv pab rau tus ntawd qev.

* NTAUB NTAWV PAB.

Yuav ua li cas kom paub meej Vajtswv tus dej siab rau yus lub neej? Ib yam li Tswv Yexus tau txais ib tes haujlwm tshwj xeeb hauv ntiajteb no yuav tsum tau ua kom tiav. Peb txhua tus yog cov uas ntseeg Nws kuj tau cob ib tes haujlwm tshwj xeeb yuav tsum tau ua kom tiav thiab. Feem xyuam ntawm tus ntseeg Yexus yog nrhiav paub Vajtswv tus dej siab rau yus lub neej.

  1. TSWVYIM NRHIAV PAUB VAJTSWV TUS DEJ SIAB.

Qhov uas nrhiav paub Vajtswv tus dej siab cuam tshuam txog txojkev sib raug zoo ntawm koj nrog Vajtswv txhua nub. Tiamsis muab hais los peb muaj ib txojlw li hauv qab no:

– Ua tibzoo mloog thaum Vajtswv tabtom hais rau koj.

– Paub meej Vajtswv tes haujlwm rau koj lub neej.

– Cia siab thiab ua kom tiav tej uas Nws twb tau cog lus.

Tsis txhob txhawj, Vaj Ntsujplig yuav yog koj tus xibhwb (Yauhas 14:26). Nws yog Tus uas yuav qhia koj siv tej txojlw no kom los phim rau Nws lub homphiaj rau koj lub neej. Tsuas muaj Vajtswv thiaj paub peb lub neej tom ntej thiab muaj peevxwm xaiv kev rau peb taus. Peb tsis muaj peevxwm npaj homphiaj rau peb lub neej. Vajtswv tsis nthuav qhia rau peb pom deb deb txog lub neej, tiamsis Nws yeej qhia ib kauj ruam zuj zus “Tus Tswv yeej yog tus uas coj neeg txoj haukev” (Ntawv Nkauj 37:23).

Txhua yam haujlwm uas muaj lub ntsiab zoo tshwm los rau koj lub neej puav leej yog Vajtswv ua tus coj. Tus Tswv txhawj txog koj lub neej heev dua koj. Vim Vajtswv tus dej siab yeej zoo thiab puv ntoob rau txhua tus uas ntseeg Nws.

  1. KAWM RAWS APLAHAM.

Aplaham tau caum Vajtswv qab los ntawm txojkev ntseeg tsis yog los ntawm qhov muag pom. Hauv Chivkeeb 12:1-5, Vajtswv tau hais dabtsis? Nws txojlus tshwj xeeb li cas? “khiav tawm” thiab “mus” – Mus qhov twg? “mus rau lub tebchaws uas kuv yuav qhia rau”. Koj puas npaj siab caum Vajtswv qab raws li txojlw no?

Ntau zuag, kuj ib yam li Aplaham, Vajtswv hu tibneeg tsuas los caum Nws qab xwb. Tej zaum Nws yuav hu koj los raws Nws qab ib hnub zuj zus, tus Tswv yuav tsis txhais qhia meej meej rau koj ua ntej koj pib mloog Nws lus.

Nco ntsoov tias tus Tswv xav npaj ib lub homphiaj loj rau koj lub neej nrog rau tej phomphiaj me huv si. Cia li ua siab ntev tos thiab Nws yuav qhia lub homphiaj ntawd rau koj txhua hnub. Koj tsuas cheem tsum qhov kaj rau txhua kauj ruam xwb. Cia li mus raws li tus duab ci uas Vajtswv ci tuaj Nws yauv rov pub lwm tus duab ci ntxiv rau koj.

III. LOS CUAG TSWV YEXUS.

Thaum los cuag Tswv Yexus kom nrhiav paub Nws tus dej siab rau koj lub neej, nqe twg yuav muaj cuab kav siab dua rau koj siv los hais?

  1. Tus Tswv, koj xav kom meyau ua dabtsis? Thaum twg ua yam ntawd? Ua li cas? Yuav ua rau qhov twg? Ua nrog leejtwg? Thiab thov cia paub paj ntsig thaum kawg li cas?
  2. Tus Tswv, thov qhia meyau ua ib kauj ruam zuj zus thiab meyau yuav ua.

Thawj lo lus teb yog zoo li rau peb txhua tus huvsi puas yog? Peb tshaj sij nug tus Tswv “daim ntawv qhia kev” uas meej heev. Peb pheej hais “Yog tias tus Tswv qhia rau kuv paub kuv tabtom mus rau qhov twg ces kuv mam sawvkev mus thiab mus tau”. Tiamsis qhov uas tus Tswv cheem tsum ntawm peb yog raws Nws qab ib hnub zuj zus. Peb yuav tau ua rau tus Tswv raws li nqe lus nug thib ob.

Tswv Yexus hais: “kuv yog txojkev”, Nws tsis hais “Kuv yuav muab daim ntawv qhia kev rau koj”. Nws yog koj txojkev taug. Yog mus raws li Nws coj, koj yuav nyob rawv hauv Vajtswv tus dej siab, thiab Nws xav siv koj rau ib tes haujlwm tshwj xeeb. Yog tsis cia tus Tswv coj kev, yuav zoo li cas yog tias koj tsis paub kev? Koj yuav txhawj heev txhua zaug uas muaj kev tshuam, koj pheej poob siab thiab txiav txim siab tsis tau. Ntawd tsis yog txojkev ua neej uas tus Tswv npaj rau koj.

LUS NUG XAV THIAB SIV

  1. Yog ib tus ntseeg Yexus, koj ua dabtsis thaum ntsib teebmeem hauv lub neej?
  2. Vajtswv tau coj koj kev li cas rau hauv kev nrhiav paub Nws tus dej siab.
  3. Koj ua raws li tus Tswv tag nrho lossis daws teebmeem raws koj siab nyiam?
  4. Thaum raws tus Tswv qab, koj ntsib tej kev nyuaj twg?
  5. Dhau zajkawm hnub no, koj yuav ua li cas kom mus raws nraim li Vajtswv lub homphiaj rau koj lub neej?
CHƯƠNG TRÌNH THỜ PHƯỢNG DÀNH CHO BAN PHỤ NỮ. CHÚA NHẬT 05.01.2025

CHƯƠNG TRÌNH THỜ PHƯỢNG DÀNH CHO BAN PHỤ NỮ. CHÚA NHẬT 05.01.2025

in H'MÔNG on 24 Tháng Một, 2025

Hnub kaj 05.01.2025.

  1. Ntsiab lus: XYOO TSHIAB KAJ SIAB.
  2. Vajluskub: Ntawv nkauj 91.
  3. Nqe cim: “Koj yog tus tiv thaiv thiab tsomkwm kuv. Koj yog kuv tus Vajtswv; kuv cia siab ntsoov rau koj.” (Ntawv nkauj 91:2).
  4. Twv Vajluskub: Yelemis 1-3.
  5. Tus qauv: Qhuas – Ua tsaug – Zaj nkauj tshiab.

* TAW QHIA: Qhuas – Ua tsaug – Zaj nkauj tshiab.

  1. Txhua tus niamtsev puavleej muaj cai los hu nkauj qhuas thiab ua tus Tswv tsaug txog txhua yam koobmoov uas tus Tswv tau pub; hu lossis coj sawvdaws xyaum ib zaj nkauj tshiab lossis ua kom tagnrho 3 yam saum toj ntawd huvsi.
  2. Sau cov coj kevcai pehawm.
  3. Ib leeg hu, ob leeg hu, ib pab hu lossis tagnrho sawvdaws koom hu ib zaj los tau.
  4. Tsis txhob thuam tus uas hu tsis tau zoo.
  5. Yog tias tsis ua timkhawv ces yuavtsum qhia saib yog vim li cas yus ho hu zaj nkauj ntawd qhuas Vajtswv. Yog thaum ua timkhawv yuavtsum hais tej uas tseeb, yog hais tias coj tau kev txhawb zog zoo yuavtsum thov Vajtswv pab tamsim ntawd.
  6. Tus saib sab kev hu nkauj thiab kev ua si yuavtsum npaj ob peb zaj nkauj los rau sawvdaws xyaum ua ke.

 

 

* HIỂU BIẾT THƯỜNG THỨC.

SAY NẮNG.

– Đề phòng: Không tắm nắng quá lâu, đầu để trần.

– Cấp cứu khi chờ bác sĩ đến.

+ Đặt nạn nhân ở chỗ thoáng khí, đầu và vai cao hơn thân người (nếu mặt nạn nhân bị tái xanh thì để đầu và vai thấp).

+ Phun nước lạnh lên người nạn nhân. Nếu có túi chườm nước đá đặt lên đầu càng tốt.

+ Làm cho nạn nhân toát mồ hôi bằng cách xát mạnh các đầu ngón tay, bắp chân, đùi và thân người.

+ Cho nạn nhân uống nhiều nước trà loãng có pha chút muối hoặc nước có ga, từng ngụm nhỏ một. Không cho đường vào nước.

+ Nếu da bị phồng dộp, cần ngâm nạn nhân vào trong bồn tắm, nước lạnh.

CHƯƠNG TRÌNH THỜ PHƯỢNG DÀNH CHO BAN NAM GIỚI. CHÚA NHẬT 05.01.2025

CHƯƠNG TRÌNH THỜ PHƯỢNG DÀNH CHO BAN NAM GIỚI. CHÚA NHẬT 05.01.2025

in H'MÔNG on 23 Tháng Một, 2025

Hnub kaj 05.01.2025

  1. Ntsiab lus: TUS NTSEEG YEXUS THIAB KHAUB NCAWS.
  2. Vajluskub: Chiv keeb 3:7,21; Mathais 6:30-33; 1Petus 3:3.
  3. Nqe cim: “Nej tsis txhob xav hais tias nej yuav tsum ntxias plaubhau zoo zoo lossis coj nyiaj coj kub lossis hnav tej tsoos zoo zoo nej thiaj yuav zoo nkauj” (1Petus 3:3b).
  4. Twv Vajluskub: Exekhees 10-12.
  5. Tus qauv: Qhuab qhia.

* TAW QHIA: Qhuab qhia.

  1. Caw neeg (Xibhwb, txwjlaug) ua ntej 2 lub limtiam.
  2. Sau ntsiab lus rau hauv ntawv, feem Vajluskub ua chaw txawb, nqe cim, feem Vajluskub pab thiab muab rau tus qhuab qhia, kom tus ntawd qhia raws Pab txiv tsev kev cheem tsum. Yog cheem tsum, cia tus ntawd qev feem ntaub ntawv pab pwv.

* NTAUB NTAWV PAB PWV.

  1. Tus ntseeg Yexus ntsia pom li cas txog kev nav khaub ncaws (kev noj nav)?

Noj nav yog ob yam uas neeg ntiajteb saib hlob, tej zaum yog ob qhov vim chij no:

(1) Hauv lub neej luv luv, haujlwm khwv khwv, luag txawm xav tias, ua neej nyob tsis muaj yam twg zoo dua li “noj qab nav zoo!”

(2) Neeg ntiajteb nyiam ntaus nqi sab nraum: Txawm yob Nyab Laj muaj ib nqe lus tias “lub tsho tsim tsis tau tus neeg muaj kev kawm”. Tiamsis “…plam lawv, plam phoojywg twb yog vim koj os lub tsho aw!”

Yog li ntawd, noj haus puas yog yam uas cheem tsum tshaj? Muab hais los, noj haus tej uas yus khwv tau yeej tsis yuam kev. Tiamsis yog hais tias muab txojkev noj nav saib hlob tsis nco qab nrhiav Vajtswv thiab tsis npaj rau sab ntsujplig ces yog yam uas tsis phim rau tus neeg ntseeg Yexus (Mathais 6:25,28-29,30-33; 1Timautes 2:9; 1Petus 3:3). Raws li Vajluskub qhia, peb kawm paub tej yam hauv qab no:

  1. Nav dabtsis? Tsis yog txojkev cawmdim ntawm tus nsteeg hauv lub neej no. Nrog rau tus ntseeg, peb ua neej nyob tsis tsuas yog nav xwb. Lub cev tsis yog vim tej khoom nav, tiamsis yog vim Vajtswv.
  2. Txojkev zoo nkauj tiag ntawm tibneeg tsis yog nyob ntawm tej khaub ncaws kim kim, tiamsis nyob ntawm tus ntawd txojkev ua zoo. Tswv Yexus tau piv Xalumoos lub tsho tsis zoo nkauj npaum tej paj nroj uas Vajtswv tsim.

Yog li ntawd kev nav khaub ncaws ntawm tus ntseeg Yexus yuav tsum npog zoo, pheej tshaj, phim thiab tsis luam thuam. Txhais tau tias peb yuav tsum tau nav khaub ncaws li cas kom qhia tshwm tau peb lub neej dawbhuv, peb yog txojkev kaj li menyuam hauv lub ntiajteb kev txhaum no.

  1. Qhov uas ywj siab noj nav.

Pom zoo rau nqe lus hais tias noj haus ywj siab yog kev ywj pheej ntawm txhua tus. Tiamsis yog tias siv txojkev ywj siab no los noj haus ua dog dig ntsuav kom tsaus siab tsaus ntsws li cev nqaij daim tawv ntshaw, ces kuj yog ib qhov uas yuav tsum tau rov saib dua. Hauv 1Kauleethaus 6:12, timthawj Paulus ntuag peb: “Kuv muaj cuab kav ua tau txhua yam, tiamsis tsis yog txhua yam puav leej zoo…” Hauv kev nab khaub ncaws, peb yuav tsum tau ceev faj txog ob yam phim thiab haum caij nyoog. Pivtxwv tsis muaj leejtwg yuav nav khaub ncaws pw mus pehawm Vajtswv, lossis ua zam mus ncaws pob. Tiamsis txhua tus ntseeg Yexus yuav tsum tau nav khaub ncaws kom zoo mus pehawm Vajtswv. Paub tias lub tsho tsim tsis tau tus neeg uas muaj txojkev pehawm tiag, tiamsis tus neeg uas pehawm tiag yuav tsum nav khaub ncaws kom phim thaum mus sawv tabmeeg Vajtswv hauv Nws lub tuam tsev (2Xamuyees 12:20).

Kev nav khaub ncaws kom zoo txawv li qhov uas nav tej khaub ncaws uas kim kim, peb yuav tau feeb meej. Nav tej khaub ncaws kim yeej tsis txhaum. Tiamsis yog tias hauv Pawg ntseeg muaj cov neeg txomnyem ntau, koj yuav tsum ntse ntsuav thiab ua tibzoo txog yus txojkev noj nav. Muab hais los, tus ntseeg yuav tsum tau nco tias noj nav tsis tsuas yog rau yus xwb, tiamsis ceev faj tsam ua rau lwm tus yuam kev, yog yam uas peb yuav tau zam.

Hais luv

  1. Nrog rau tus ntseeg Yexus, khaub ncaws zoo nkauj tsis yog sab tis cawmdim rau hauv kev noj nav. Khaub ncaws zoo nkauj yog tias tsis paub xaiv kom haum ces tsis phim rau tus menyuam uas nyob hauv qhov kaj li.
  2. Raws li Vajtswv qhia, kev noj nav ntawm tus ntseeg yuav tsum tau ua raws li tus taw no: Phim, npog zoo, pheej tshaj, haum caij nyoog.
  3. Yam uas tus ntseeg Yexus yuav tau zam hauv kev noj nav yog caum raws tej tsoog tsho zoo nkauj uas kim kim zoo li tus dig muag, nav tej khaub ncaws uas tawm nqaij ntau ntau, npog tsis zoo.
  4. Nav tej khaub ncaws kim uas zoo-zoo tiamsis tsis muaj txojkev ua zoo ces tsis tau yog zoo nkauj tiag.
  5. Tus ntseeg yuav tau paub tias tsis yog nav rau yus xwb tiamsis vim lwm tus thiab vim Vajtswv lub koob npe.

LUS NUG XAV THIAB SIV.

  1. Cia paub: Puas yog txhua yam khaub ncaws puav leej yog zoo? Vim li cas? Cawm raws tej tsoos tsho zoo nkauj yog qhov zoo lossis tsis zoo? Txhais qhia.
  2. Hauv Mathais 6:30-33; 1Timautes 2:9: Muab tsoos tsho saib hlob rau hauv kev noj nav puas haum raws li Vajluskub qhia? Vim li cas?
  3. Nyeem cov nqe Vajluskub no thiab nrhiav paub:
  4. Khiav Dim 20:26; 28:40-43: vim li cas yuav tsum npog zoo rau hauv kev noj nav?
  5. Lo lus “tej tsoos zoo zoo” hauv 1Petus 3:3 txhais li cas?

c. 1Timautes 2:9; 1Petus 3:3: Hauv kev noj nav, yam yuav tsum tau ceev faj thiab zam. Tshaj ntawd peb yuav tsum tau nrhiav yam dabtsis? Vim li cas?

Chuyên Mục