CHƯƠNG TRÌNH THỜ PHƯỢNG DÀNH CHO BAN PHỤ NỮ. CHÚA NHẬT 27.04.2025

By Mai hdenayun in H'MÔNG on 28 Tháng Tư, 2025

Hnub kaj 27.04.2025. (Hnub kev sib pab)

1. Ntsiab lus: CIA LI MUAJ NPLOOJ SIAB HLUB
2. Vajluskub: 1Kauleethaus13; 2Kauleethaus 5:14-15; Yauhas 13:1-14; Loos 12:10-11.
3. Nqe cim: “Nimno tseem muaj peb yam uas yuav nyob mus ibtxhis: kev ntseeg, kev cia siab thiab kev hlub; tiamsis kev hlub yog yam uas tseemceeb dua ntais huv tibsi…” (1Kauleethaus 13:13).
4. Twv Vajluskub: Yelemis 43-45.
5. Tus qauv: Sib tham.

* TAW QHIA: Saib taw qhia hnub kaj 19/01/2025.

Ntsiab lus 1: Tus uas ntseeg yuav tsum ua haujlwm zoo.

Ntsiab lus 2: Tus uas ntseeg yuav tsum muaj kev hlub.

* NTAWV PAB PWV.

I. CHIV LUS.

Tibneeg pheej muaj kev khav theeb. Tej zaum qee leej ua ntau tes haujlwm zoo vim lawv lub koob npe tiamsis qhov tseeb lawv yeej tsis muaj kev hlub li. Tiamsis tus ntseeg yeej tsis txhob lam ua haujlwm zoo tiamsis ho tsis muaj kev hlub! Vim li ntawd, thaum uas cov ntseeg hauv Kauleethaus lawv khav txog tej uas lawv muaj xws li hais lus txawv txawv ces Paulus ntuag kom lawv yuav tsum rau siab ntso rau sab uas tseemceeb dua ntais uas yog kev hlub.

A. KEV CHEEM TSUM NTAWM KEV HLUB.

1. Kev hlub yog chaw cuab zog los ntawm kev ua haujlwm.

Qhov uas Tswv Yexus ntxuav cov thwjtim kotaw ces yog ib tus qauv uas hais txog qhov uas ua haujlwm los ntawm kev hlub ntag (Yauhas 13:1-13). Muaj ob yam li nram qab no.

1. Kev ua Vajtswv haujlwm yuav tsum pib los ntawm kev hlub. Kev hlub yog tus zog ntawm tus ntseeg txhua tes haujlwm. Vim kev hlub tus Tswv thiaj txo hwjchim ntxuav cov thwjtim ko taw, vim kev hlub Paulus thiaj txaus siab tuag vim qhov uas nws xav kom pab tau lwm tus (Yauhas 13:1-6). Lwm tus luas yuav siv nyiaj, siv meej mom los ua tus zog rau lawv tes haujlwm, tiamsis, tus uas ntseeg siv kev hlub los ua dag zog rau lawv tej haujlwm. Kev hlub David Livingstone mus rau hauv heev neeg phem uas nyob hauv plawv zoov sab Phi Châu coj Txoj Hmoo Zoo mus qhia rau lawv, thaj chaw no yeej tsis muaj leejtwg kav mus li.
2. Tes haujlwm yuav tsum pib los ntawm kev hlub: Tom qab uas Yexus ntxuav lawv kotaw tas, Nws kom cov thwjtim yuav tsum ua ib yam li Nws thiab. Tus Tswv kom cov thwjtim yuav tsum sib hlub ib yam li qhov uas Nws tau hlub lawv. Qhov ntawd txhais hais tias tus Tswv muab Nws txojsia los tuag kom lawv tau txais kev cawmdim ces lawv kuj yuav tsum tsis txhob khuvxim lawv txojsia ib yam nkaus (1Yauhas 3:16). Yog li ntawd, thaum uas peb tsis muaj kev hlub ces txhua tes haujlwm uas peb ua yeej tsis muaj qabhau dabtsi li.
3. Kev hlub ua rau tes haujlwm muaj nuj nqis.

Thaum lub sijhawm uas cov ntseeg hauv Kauleethaus tab tom khav theeb thiab nrhiav txog txoj koob moov uas hais lus txawv txawv. Paulus thiaj qhia rau lawv paub txog qhov tseem ceeb ntawm kev hlub. Yog ua haujlwm es tsis muaj kev hlub ces yeej tsis muaj nuj nqis dabtsi li uas Paulus tau hais hauv (1Kauleethaus 13:1-3).

3. Kev hlub ua rau muaj kev sib pab.

Tej uas peb xav ua rau peb tsis sib ntseeg siab, ntxhov nyo, sib cais pab cais pawg, tiamsis kev hlub ua rau sawvdaws koom ib lub siab sib pab ua Vajtswv haujlwm (1Kauleethaus 8:1-11).

4. Kev hlub yuav coj ntau yam zoo.

Vim kev hlub, Xefatenaus thov Vajtswv zam txim rau cov neeg uas tab tom muab pobzeb ntaus nws. Nws txojkev hlub ntawd ua rau lwm tus pom txog, tshwjxeeb yog Paulus tau muaj lub neej tshiab tom qab no Vajtswv thiaj hu nws ntawm ib tus neeg tsim txom cov ntseeg los mus hloov ua ib tus timthawj coj Txoj Hmoo Zoo mus rau lwm haivneeg (Tes haujlwm 7:60).

5. Kev hlub ua rau neeg muaj yamntxwv zoo.

Kev hlub muaj tej yamntxwv li no: Ua siab ntev, siab dawb siab zoo, tsis khav theeb, ncaj ncees, hais lus tseeb, cia siab, ua siab dav, tej no puavleej yog tej  yam uas cheem tsum muaj ntawm ib tus uas ua Vajtswv haujlwm (1Kauleethaus 13:4-7).

B. MUAB KEV HLUB LOS UA KHAUB NCAWS HNAV.

1. Yam ntxwv ntawm kev hlub.

Thaum uas hais txog kev hlub hauv (1Kauleethaus 13). Paulus siv lub npe ntawv Agape hais txog Vajtswv txojkev hlub, yog txojkev hlub uas los saum ntuj los, yog yam kev hlub uas tsis txawj ploj,, tsis txawj hloov. Yog li ntawd thaum uas sib piv txog kev ntseeg thiab kev cia siab, Paulus pom tias kev hlub yog yam uas tseem ceeb dua ntais. Vim tias kev ntseeg thiab kev cia siab yuav xaus rau thaum uas peb ntsib tus Tswv Yexus lawm. tiamsis kev hlub yuav nrog nraim peb sawvdaws hauv Vajtswv lub tebchaws mus ib txhis li.

2. Tswvyim kom peb muaj kev hlub

Thaum uas ntseeg Tswv Yexus lawd, peb yuav txais tau Vaj Ntsujplig. Vaj Ntsujplig yog tus uas yuav coj Vajtswv txojkev hlub los rau hauv peb lub siab thiab ua kom txojkev hlub ntawd loj hlob thiab huam vam (Loos 5:5; Kalatias 5:22). Ntawm no peb kawm tau ob yam:

1. Muaj kev hlub xwb tsis tau txaus, txhua hnub peb txojkev hlub ntawd yuav tsum loj hlob thiab tawg paj txi txiv hauv peb lub neej txhua hnub.
2. Kev mloog Vaj Ntsujplig lus yog yam tseem ceeb heev rau ib lub neej uas muaj Vajtswv txojkev hlub.

II. LUS NUG XAV THIAB SIV.

1. Thov nyeem (Yauhas 13:1-14):
2. Vim li cas Tswv Yexus thiaj txo hwjchim ntxuav cov thwjtim kotaw?
3. Tus Tswv txojkev hlub kom cov thwjtim yuav tsum muaj yog kev hlub li cas? Vim li cas? (Yauhas 13:34).
4. Thov nyeem (1Kauleethaus 13:1-13).
5. Vim li cas kev hlub ho tseem ceeb dua kev ntseeg thiab kev cia siab?
6. Txojkev hlub uas hais hauv (nqe 1-7) tseem ceeb li cas rau tus neeg uas ua Vajtswv haujlwm?

3.a. Vim kev hlub, Paulus ua Vajtswv haujlwm txog qib twg?

1. Vim kev hlub, ua ntej uas Xatefanaus yuav tuag, Nws thov Vajtswv li cas rau cov neeg coob obb uas muab pobzeb ntaus nws? (Tes haujlwm 7:60).
2. Thov nyeem (Loos 5:5; Kalatias 5:16,22):
3. Kev hlub yog los qhov twg los?
4. Yuav ua cas thiaj li puv npo Vajtswv txojkev hlub?
5. Thov qhia tshwm saib vim li cas tus uas ua Vajtswv haujlwm ho cheem tsum muaj kev hlub thiab yuav ua cas thiaj muaj txojkev hlub ntawd?
6. Qhov uas koj ua Vajtswv haujlwm yog vim yam twg? Vim kev hlub lossis yog vim koj ua los ntawm kev khav theeb?