CHƯƠNG TRÌNH THỜ PHƯỢNG DÀNH CHO BAN THANH NIÊN. CHÚA NHẬT 06.04.2025

By Mai hdenayun in H'MÔNG on 2 Tháng Tư, 2025

Hnub kaj 06.04.2025

1. Ntsiab lus: KEV SIB RAUG ZOO TIAG TIAG, NTIAG TUS, MUAJ TSEEB.
2. Vajluskub: Yelemis 31:3; Chivkeeb 16:1-13; Yauhas 15:16,19; Mal 6:7-13; Tegnum 12:1-17.
3. Nqe cim: “Kuv ua tib zoo rub lawv los cuag kuv thiab kuv hlub lawv kawg. Kuv tsaws hlo lawv los puag npuab kuv lub plhu; kuv khoov mus tu lawv thiab pub mov rau lawv noj” (Hauxeyas 11:4).
4. Twv Vajluskub: Yaxayas 1-5.
5. Tus qauv: Sib tham.

* TAW QHIA: Saib hnub kaj 16.03.2025.

Ntsiab lus 1: Txojkev sib raug zoo ntawm tibneeg nrog Vajtswv tsis muaj tseeb.

Đề tài 2: Txojkev sib raug zoo ntawm tibneeg nrog rau Vajtswv muaj tseeb thiab los ntawm ntiag tus.

* NTAUB NTAWV PAB.

Vajtswv yog tus pib txojkev hlub sib raug zoo no. Nws pib tuaj rau peb mas peb thiaj li paub Nws. Ntawm no yog lus timkhawv ntawm tag nrho phau Vajluskub. Tus Tswv tau los cuag Adas thiab Evas hauv lub vaj Edees. Nws nrog lawv sib tham thiab lawv nrog Nws sib tham hauv txojkev hlub. Tus Tswv los cuag Nau-as, Anplahas thiab cov cev lus. Qhov no kuj yog nyob rau hauv Vajluskub tshiab thiab. Tswv Yexus mus nrhiav cov thwjtim, lawv los nrog Nws nyob kom lawv paub Nws txojkev hlub. Nws los cuag Paulus ntawm txojkev Damaxes. Ntawm peb tibneeg yeej tsis muaj peevxwm yuav mus nrhiav tau Vajtswv.

I. VAJTSWV YOG TUS XUB PIB.

Txojkev txhaum cuam tshuam peb ua rau peb tsis muaj leejtwg yuav paub mus nrhiav Vajtswv (Loos 3:10-12). Vim li ntawd, tus Tswv thiab pib Nws txojkev hlub rau peb ua ntej. No yog yam Nws tau ua: “Cov Yixalayees, kuv yeej ibtxwm hlub nej, kuv yuav hlub nej mus ibtxhis” (Yelemis 31:3; Hauxeyas 11:4).

Txojkev hlub uas tus Tswv hlub koj yog txojkev hlub ib txhis. Los ntawm txojkev hlub no, Nws tau rub koj los ze Nws, txawm yog koj tseem tsi tau txais txojkev hlub ntawd. Thaum koj tseem ua yeeb ncuab nrog Vajtswv, Nws twb tso Nws leejtub los tuag hloov koj chaw lawm. Xav kom muaj xwm thiab paub tseeb Vajtswv tus dej siab, koj yuav tsum ruaj siab rau txojkev hlub uas tus Tswv pub rau koj.

Tus Tswv tau los cuag Paulus (Tes Haujlwm 9:1-19), thaum uas Paulus tabtom tawm tsam Tswv Yexus. Tus Tswv nthuav qhia txojkev hlub puv npo rau yawg. Tswv Yexus hais rau cov thwjtim tias: “Tsis yog nej xaiv kuv, tiamsis yog kuv xaiv nej thiab tsa nej…. nej tsis nyiam ua raws li neeg ntiajteb ua, rau qhov kuv twb xaiv nej tawm hauv lub ntiajteb no lawm” (Yauhas 15:16,19). Qhov no kuj yog nyob rau hauv peb lub neej. Peb tsis tau xaiv tus Tswv, tiamsis tus Tswv xaiv peb, hlub peb thiab qhia Nws lub homphiaj ib txhis rau peb lub neej.

Yog Vajtswv tsis pib ua ntej, peb yuav tsis muaj hnub paub nws txojkev hlub li.

II. KEV SIB RAUG ZOO TIAG TIAG, NTIAG TUS, MUAJ TSEEB.

1. Txojkev sib raug zoo uas tus Tswv xav muaj nrog koj muaj tseeb thiab ntiag tus.

Muaj neeg nug: “Tibneeg puas yuav muaj tau txojkev sib raug zoo tiag tiag, ntiag tus thiab muaj tseeb nrog Vajtswv?” Lawv xav zoo li Vajtswv nyob deb heev thiab tsis quav ntsej txog lawv kev ua neej txhua hnub. Ntawd tsis yog tus Vajtswv uas peb pom hauv Vajluskub.

Txij Chiv keeb mus txog Tshwmsim, peb pom Vajtswv ua phoojywg nrog cov pejxeem los ntawm ntiag tus thiab muaj tseeb. Vajtswv tau cog phoojywg zoo nrog Adas thiab Evas, nrog nkawd mus kev ua ke thaum hnub qaij. Vajtswv nrog nkawd uake kom tsim muaj txojkev sib hlub. Nws tau pub yam uas lawv cheem tsum heev rau lawv, uas yog muab tsho los nav rau nkawd roog nkawd txojkev txaj muag (Chivkeeb 3:10-11, 21).

Hankas tau raug Xalais siv, quab yuam thiab ua phem rau. Hankas tso tses khiav. Thaum uas txhua yam khoom noj tag huv si tsis pom qab cia siab rau qhov twg lawm ces Vajtswv los cuag nws. Hauv txojkev paub tus Tswv, Hankas paub tias tus Tswv ntsia pom nws, paub nws tej kev cheem tsum thiab pub txhua yam kev xav tau rau nws (Chivkeeb 16:1-13). Tus Tswv tshua txog txhua tus neeg.

Cov thwjtim kuj muaj kev sib raug zoo tiag tiag, ntiag tus, muaj tseeb nrog tus Tswv Yexus – Vajtswv Leejtub. Tswv Yexus tau xaiv lawv los nrog Nws nyob. Muaj ib txojkev sib raug zoo li ntawd nrog Tswv Yexus mas yeej kaj siab heev! Thaum lawv tau cob ib tes haujlwm nyuaj twg, Nws yeej tsis txib es tsis pab lawv. Tus Tswv pub lawv muaj hwjchim rau tej ntsujplig phem uas yav ntej lawv yeej tsis tau paub dua los li  (Malakaus 6:7-13).

Txojkev hlub yuav tsum muaj tseeb thiab los ntawm ntiag tus. Luag yuav hlub tsis tau yog tsis muaj ib tus rau hlub. Txojkev hlub sib raug zoo nrog Vajtswv txhawm muaj hauv ob leeg. Ntawd yog Vajtswv txojkev xav tau. Nws yog tus uas pub txojsia los rau koj lub neej. Yog vim ib qhov vim chij twg ua rau koj ntsia tsis pom txojkev sib raug zoo ntawm koj nrog rau tus Tswv yam tiag tiag, ntiag tus thiab muaj tseeb, koj yuav tsum siv sijhawm los saib dua koj txojkev sib raug zoo nrog Vajtswv. Los cuag tus Tswv hauv txojkev taij thov, thov Nws qhia tshwm txojkev sib raug zoo ntawm koj thiab Vajtswv seb yog li cas tiag. Thov Nws rub koj los rau hauv txojkev sib raug zoo ntawd.

1. Vajtswv txojkev nrog nraim thiab tes haujlwm hauv koj lub neej yeej muaj tseeb.

Peb tus Vajtswv yog ib tus Vajtswv muaj tiag. Nws muaj nyob hauv Vajluskub. Hnub no thiab tseem yuav nyob li ntawd mus li. Thaum pub Ma-nas thiab noog ws rau cov Yixalayees kuj ib yam li thaum Tswv Yexus pub ncuav rau 5,000 leej noj, Nws yeej muaj tseeb tiag rau peb tibneeg.

Qhov uas Vajtswv nrog nraim koj txhua sijhawm yog ib qhov timkhawv muaj tseeb tshaj. Txaus tu siab kawg, vim peb pheej tseg ib qhov chaw uas nqaim heev hauv peb lub neej rau tus Tswv xwb. Tom qab ntawd, peb taij thov Nws thaum xav tau kev pab. Qhov no tsis zoo li tej uas peb nrhiav pom hauv Vajtswv Txojlus. Nws yog tus uas tabtom ua haujlwm rau lub ntiajteb peb nyob. Tag nrho txhua lub homphiaj uas cia Nws nthuav dab Vajtswv lub tebchaws yog nyob txij ntawm qhov uas Nws ua haujlwm los ntawmq hov tseg thiab muaj tiag dhau txojkev sib raug zoo nrog Nws haiv neeg.

Vajtswv muaj cuab kav tsim muaj txojkev sib raug zoo tiag tiag hauv koj tsev neeg, Pawg Ntseeg thiab nrog rau lwm tus. Koj kuj muaj cuab kav los paub Vajtswv yam meej heev txog qeb uas koj paub tias yus tabtom xwm Nws heev.

LUS NNUG XAV THIAB SIV

1. Nyeem Loos 3:10-12 thiab teb cov lus nug hauv qab no:
2. Muaj petsawg leej cim civ muaj txojkev ncaj ncees?
3. Muaj petsawg leej cim civ totaub txog tej teebmeem hauv sab ntsujplig?
4. Muaj petsawg leej cim civ nrhiav tau Vajtswv?
5. Muaj petsawg leej cim civ rov cawm tau yus?
6. Koj puas ntseeg siab tiag tiag Vajtswv tias Nws muaj tiag, ntiag tus thiab muab tseeb nyob rau tiam no? vim li cas koj ntseeg li ntawd?

3. Thaum hais tias Vajtswv yeej muaj tseeb tiag thiab ntiag tus, koj twb tau dhia dhau qhov no zoo li cas rau hauv koj txojkev sib raug zoo nrogf Nws?