Thẻ: HNUB YUG QEB I

Hnub kaj 30.03.2025

1. Ntsiab lus: HNUB YUG QEB I.
2. Vajluskub: Ntawv Nkauj 66.
3. Nqe cim: “Cov neeg uas hwm Vajtswv, nej cia los ntawm no, kuv yuav piav tej uas tus Tswv hais rau kuv lawm rau nej mloog” (Ntawv nkauj 66:16).
4. Twv Vajluskub: Exekhees 40-42.
5. Tus qauv: Hnub yug.

* TAW QHIA: Hnub yug.

1. Tshaj tawm cov neeg muaj hnub yug qeb I (hli 1,2,3) ua ntej ib athiv; sau ntxiv cov uas tsis tau muaj npe.
2. Muab cov npe rau tuav nyiaj yuav khoomplig. Cov khoom yuav tsum ntau tshaj cov neeg faj thaum muaj qhua lossis phoojywg tuaj koom, lawv kuj muaj hnub yug ncaj rau thiab.
3. Cov uas tsis nco hnub yug kuj xaiv hnub sib yuav, hnub ntseeg Vajtswv, hnub ua kevcai raus dej… los ua hnub yug.
4. Npaj ib lub ncuav hnub yug (yog tias tau).
5. Caw cov muaj nub yug sawv mus tim xam thaj, dua li cov hu nkauj txhawb nqa. Sawvdaws ua ke tuav rab riam hlais lub ncuav. Caw neeg thov Vajtswv tshwj xeeb rau lawv.
6. Cov thawjcoj pawg pub khoomplig rau lawv.
7. Caw qee tus muaj hnub yug ua timkhawv, hu nkauj, piav qhia tej kev muajxwm sab ntsujplig los sib txhawb zog.
8. Ua si, twv lom zem, noj ncuav…

* KEV UA SI.

– Ua si rau tus muaj hnub yug: Npaj ib cov nqe lus lom zem, caw cov muaj hnub yug los rho ntawv thiab ua raws li nqe lus ntawd hais.

– Kev ua si tsoos.

NRHIAV TUS YAJ UAS PLOJ.

– Tswvyim ua: Xaiv peb tus los nyob hauv lub voj voos (npog qhov muag), tus ua tus yug yaj, ib tus ua yaj, ib tus ua ma. Thaum nov tshuab ib xyu, tus yug yaj mus nrhiav yaj, mus phoom raug tus yaj ces yeej, phoom raug tus ma ces raug tshem tawm. Ceev faj: Suab yaj (be be), suab ma (gâu gâu) ob tus huv si yuav tsum mus ua plaub tes plaub taw.

NTES POB.

– Tswvyim ua: Tus coj sawv hauv lub voj voos kom suav txheej txheem 1,2,3… Txhua tus yuav tsum nco yus tus lej. Tus coj tuav ib lub pob (lossis ib txoj phuam muab khi cos). Muab lub pob pov rau saum nruab ntug thiab hu ib tus lej twg. Tus uas muaj tus lej ntawd yuav tsum dhia mus txais lub pob (kuj tib zaug hu 2-3 tus lej), leejtwg txais tsis tau yuav raug tshem tawm. Tus uas txais tau lub pob hloov tus coj chaw coj sawv daws ua si mus ntxiv.

Hnub kaj 02.03.2025

1. Ntsiab lus: HNUB YUG QEB I.
2. Vajluskub: Ntawv Nkauj 146.
3. Nqe cim: “Thaum kuv tseem ua neej nyob, kuv yuav qhuas tus Tswv, kuv yuav hu nkauj qhua kuv tus Vajtswv mus tas kuv simneej” (Ntawv Nkauj 146:2 – BHĐ).
4. Twv Vajluskub: Twv raws ntsiab lus.
5. Tus qauv: Hnub yug.

* TAW QHIA: Hnub yug.

1. Tshaj npe cov neeg muaj hnub yug qeb 1 (hli 1,2,3) ua ntej 1 athiv; sau ntxiv cov uas tsis tau muaj npe.
2. Tus tuav ntawv muab npe rau tus tuav nyiaj mus yuav khoomplig. Khoomplig yuav tsum yuav ntau tshaj cov neeg muaj hnub yug faj thaum muaj qhua tuaj koom lawv kuj muaj hnub yug ncaj rau thiab.
3. Npaj ncuav hnub yug yog tias tau.
4. 4. Caw cov muaj npe (muaj hnub yug) sawv mus rau tim hauv ntuj. Dua li cov hu nkauj txhawb nqa. Sawvdaws koom tuav rab riam phua lub ncuav. Caw neeg thov Vajtswv tshwj xeeb rau lawv.
5. Poob khoomplig.
6. Caw qee tus muaj hnub yug ua timkhawv, hu nkauj qhuas Vajtswv, txhawb zog.
7. Ua si, twv lom zem thiab noj ncuav hnub yug…

* Kev uasi rau cov muaj hnub yug:

Mpaj ib cov nqe lus lom zem, caw cov muaj hnub yug sawv los rho ntawv thiab ua raws.

* Kev ua si tsoos:

TAWM TSAM KEV PHEM

J Tswvyim ua: TC sawv ncaj rau ib tus neeg twg hais ib yam dabtsis twg, tus ntawd yuav tsum teb yam uas tiv rov qab. Pivtxwv: TC hais “Ntuj tawg”, tus ntawd teb “ntuj Ceeb tsheej”. TC hais “Tub nkees”, teb “Nquag heev”. TC hais “sib ntxub”, teb “sib hlub”,… (Leejtwb teb qeeb, xam tias swb thiab raug nplua).

NUG – TEB

K Npaj:

– Ntawv, cwjmem, 2 lub mom.

– Faib ua 2 pab, pojniam thiab txiv neeg.

J Tswv yim ua:

Cov ntxhais sau rau hauv ntawv ib cov lus nug tsis hais lo twg – cov tub sau rau hauv ntawv ib cov lus teb tsis hais lo twg. Tom qab ntawd sau huvsi los tso rau hauv yus pab lub mom – 2 pawg xaiv 2 tus rho ib nplooj ntawv zuj zus lus nug – lus teb nyeem rau sawvdaws mloog. Yog lus nug thiab lus teb muaj ntsiab lus zoo yuav tau txais nqe zog (lwm zaug ho sib hloov: Cov tub nug – cov txhais teb).